بۇل – ەلىمىزدەگى ءتۇرلى ەتنوس وكىلدەرىنىڭ مەملەكەتتىك تىلگە, ەلگە دەگەن قۇرمەتى. جاپونيادان كەلگەن جاس قىزدىڭ قازاق ءتىلىنىڭ ەرەكشەلىگىنە قىزىعىپ, از عانا ۋاقىتتا ءتىلدى ەركىن مەڭگەرىپ العاندىعىنا ريزا بولاسىز. سونداي-اق الىستاعى امەريكادا ءجۇرىپ, ءوزىنىڭ كۇش-جىگەرىمەن قازاق ءتىلىن ۇيرەنىپ العان ديپلوماتتىڭ ەرىك-جىگەرى مەن ىنتا-ىقىلاسىنا قۇرمەتىمىز شەكسىز. الايدا سول ازاماتتىڭ قازاقستانعا كەلىپ, استانادا ءجۇرىپ وسى ەلدىڭ مەملەكەتتىك ءتىلىن, ياعني قازاق ءتىلىن ودان ءارى دامىتا الماي جۇرگەنى قىنجىلتادى. سەبەبى ول كىسىگە مەملەكەتتىك ءتىلدى ۇيرەنەتىن ورتا جوق. مۇندا ارالاساتىنداردىڭ كوپشىلىگى ورىسشا سويلەۋگە بەيىم تۇرادى. مىنە, وسى ماسەلەنى تۇبەگەيلى قولعا الىپ, مەملەكەتتىك ءتىلدىڭ دامۋىنا جول اشاتىن كەز كەلدى. وسى ارادا تاعى ءبىر قولعا الاتىن ماسەلە, جاڭا سايلانعان پارلامەنتتە دەپۋتاتتار قابىلدايتىن زاڭداردى الدىمەن مەملەكەتتىك تىلدە دايىنداۋعا ءمان بەرۋلەرى كەرەك. ول تۋرالى دەپۋتاتتار ماسەلە كوتەرە باستادى.
قازاق ءتىلىن جاڭعىرتۋدىڭ قازىرگى نەگىزگى تالابى تىلدىك قاجەتتىلىكپەن ورايلاس. ەگەر ءتىل رەفورماسىن جۇزەگە اسىرمايتىن بولساق, مەملەكەتتىك تىلگە دەگەن سۇرانىستى ارتتىرا تۇسپەسەك, ءتىلدى دامىتۋدىڭ تەتىكتەرىن جاساماساق, ءىس ىلگەرى باسپايدى.
اسسامبلەيا قۇرامىنداعى مەملەكەتتىك تىلگە دەگەن ىقىلاستارى باسىم ازاماتتاردى حالىق ەرەكشە قۇرمەتتەپ, ارقاشان سىيلايدى. ءبىزدىڭ ءتىلىمىز – بىرلىكتىڭ, ىنتىماقتىڭ ايناسى. وسى قۇندىلىقتى ءاردايىم نىعايتا بەرەيىك.
ساياسات بەيىسباي,
فيلوسوفيا, ساياساتتانۋ
جانە ءدىنتانۋ
ينستيتۋتىنىڭ باس ساراپشىسى
