ءتىلدىڭ قولدانىسىنا – وڭ كوزقاراس

پرەزيدەنت جانىنداعى مەملەكەت­ت­ىك باسقارۋ اكادەمياسى مەن ونىڭ وڭىر­لىك فيليالدارىنىڭ دا وسى باعىت­تا اتقارىپ جاتقان قىزمەتى اۋ­قىمدى. اكادەميا مەملەكەتتىك قىز­مەتشىلەردىڭ تىلدىك قۇزىرەتتىلىگىن ارت­تى­رىپ, مەملەكەتتىك ورگانداردا مەم­لەكەتتىك ءتىل ساياساتىن ۇيلەس­تىرۋ جۇ­مىستارىمەن تۇراقتى شۇعىل­دانادى. قازاقستان رەسپۋب­ليكا­سىنداعى ءتىل ساياساتىن ىسكە اسىرۋ­دىڭ 2020-2025 جىلدارعا ارنالعان مەملەكەتتىك باعدارلاماسىن ورىن­داۋعا اتسالىسىپ, ءۇش ءتىلدى بىلىكتىلىكتى ارتتىرۋ سەمينارلارىن جۇرگىزەدى. اكادەميا بىلىكتىلىكتى ارتتىرۋ سەمينارلارى مەن قايتا دايارلاۋ كۋرستارى شەڭبەرىندە جىل سايىن مەملەكەتتىك قىزمەتشىلەر اۋىزشا, جازباشا تىلدىك قۇزىرەتتىلىگىن ارتتىرادى.

اتاپ ايتقاندا, «رەسمي جازىلىم», «مەملەكەتتىك تىلدە ءىس قاعاز­دارىن جۇرگىزۋ», «ىسكەرلىك قارىم-قاتىناس», «سويلەۋ مادەنيەتى», «شە­شەن­دىك ونەر» جانە ت.ب. تاقىرىپ­تاردا سەمينارلار مەن كۋرس بارى­سىن­دا تاقىرىپتىق ساباقتار, سەمينار-ترەنينگتەر, دوڭگەلەك ۇستەل­دەر, كەزدەسۋ كەشتەر, ءتۇرلى باعىتتاعى ءىس-شارالار مەملەكەتتىك تىلگە دەگەن قىزىعۋشىلىقتى ارتتىرىپ, ەرەكشە دەن قويىپ, ءبىلىم الۋلارىنا ىقپال جاسايدى. ساباق بارىسىندا ءداستۇرلى جانە وزىق يننوۆاتسيالىق تەحنولوگيالار قولدانىلادى. جاڭا تەحنولوگيالار ارقىلى وقىتۋ قازاق ءتىلىن ۇيرەتۋدىڭ ساپاسى مەن ماڭىزىن ارتتىرادى. ءتىلدى تسيفرلىق تەحنولوگيالار ارقىلى وقىتۋ, اۋديو-بەينە ماتەريال­دار, رولدىك ويىندار مەن ىسكەرلىك ويىن­دار, توپتىق, جۇپتىق جۇمىستار ارقىلى وقىتۋ ءادىس-تاسىلدەرى كەڭىنەن پايدالانىلادى.

ايتا كەتەتىن جايت, اكادەميا جو­­عا­رى وقۋ ورنىنان كەيىنگى ءتىلدى وقىتۋ تۇجىرىمداماسىن ازىرلەنىپ, سونىڭ نەگىزىندە ءتىلدى دەڭگەيلەپ وقى­تۋ تەحنولوگيالارى مەن «Qazaq Resmi Test» (QRT) باعالاۋ قۇرالىن ەن­گىزدى. «Qazaq resmi test» – كەز كەلگەن تاپسىرۋشىنىڭ مەملەكەتتىك ءتىلدى مەڭگەرۋ دەڭگەيىن انىقتاپ, تىلدىك دەڭگەيدى كوتەرۋ ءۇشىن قولدانىلاتىن تەستىلىك جۇيە. QRT 2019 جىلدان باس­تاپ اپروباتسيادان وتۋدە. سودان بەرى 13332 مەملەكەتتىك قىزمەتشى QRT تاپسىرىپ, تىلدىك دەڭگەيىن انىقتادى, ءارتۇرلى دەڭگەيدەگى ساراپ­شىلاردىڭ ۇسىنىستارى ەسكەرىلىپ, جەتىلدىرۋ جۇمىستارى تۇراقتى تۇردە جۇرگىزىلىپ كەلەدى. ماسەلەن, اكادەميانىڭ قوس­تاناي وبلىسى بويىنشا فيليالىن­دا جىل سايىن ەكى مىڭعا جۋىق مەملەكەتتىك قىزمەتشى وقۋدان وتەدى. وتكىزىلگەن ءار سەمينار مەن ءار كۋرس باعدارلاماسىنا تىلدىك قۇزىرەتتىلىكتى دامىتاتىن ارنايى ساباقتار جوس­پارلانىپ, وبلىستىق ء«تىلدارىن» تىلدەردى وقىتۋ ورتالىعىنان كاسىبي ماماندار ساباق بەرۋگە شاقىرىلادى. اتقارىلعان جۇمىس ناتيجەسىندە مەملەكەتتىك قىزمەتشىلەر قازاق تىلىندە رەسمي جازۋ, قۇجاتتاردىڭ ماتىندەرىن رەسمي تىلدە قۇراستىرۋ, مەملەكەتتىك تىلدە ءسوز ساپتاۋ, كوپشىلىك الدىندا سويلەۋ داعدىلارىن شىڭدايدى.

وسىلايشا, جۇيەلى جۇمىس ناتيجە­سىندە اكادەميا مەن ونىڭ وڭىرلىك فيليالدارى قازاق ءتىلىنىڭ تولىققاندى مەملەكەتتىك تىلگە اينالۋىنا اتسالىسىپ كەلەدى.

اقەركە بەكاحمەتوۆا,

پرەزيدەنت جانىنداعى مەملەكەتتىك باسقارۋ اكادەمياسى قوستاناي وبلىستىق فيليالىنىڭ ديرەكتورى