سەرگەي ستارىگين شاكىرتتەرى چەمپيوناتتاعى ءۇشىنشى تۋر ويىنىن دانيا حوككەيشىلەرىمەن وتكىزىپ, قارسىلاستارىنا ءىرى ەسەپپەن جول بەردى – 8:3. كەزدەسۋدىڭ ەسەبىن ءۇشىنشى مينۋتتا جەرلەستەرىمىز اشقانىمەن, ماتچ سوڭىنا دەيىن جەڭىستى ۋىسىندا ۇستاپ تۇرا المادى. بۇل ماتچتا قازاقستان قۇراماسى ساپىنان سەمەن سيمونوۆ (3-مينۋت), ءادىل بەيسەمباەۆ (30) جانە الەكساندر كيم (35) مەرگەندىك تانىتتى. ال دانيا حوككەيشىلەرىنەن دانيەل ولسسون, البەرت شيولدان جانە لارسەن ماتياس ءدۋبلدىڭ اۆتورلارى اتانسا, وسكار فيسكەر ميولگاارد پەن وسكار گروسسمان ءبىر-بىردەن گول سوقتى.
ءۇش تۋردان كەيىن قازاقستان قۇراماسى 6 ۇپايمەن ءبىرىنشى ديۆيزيوننىڭ «ا» توبىنداعى تۋرنير كەستەسىندە ەكىنشى ورىنعا ءتۇسىپ قالسا, دانيا ءبىرىنشى ورىنعا كوتەرىلىپ الدى. جەرلەستەرىمىز چەمپيوناتتاعى ءتورتىنشى ويىنىن كەشە ۋكراينا حوككەيشىلەرىمەن وتكىزدى.
