وقىرماندار نازارىنا ەلىمىزدىڭ تاريحى بويىنشا وتاندىق عالىمداردىڭ بىرەگەي عىلىمي ىزدەنىستەرى, سونداي-اق شەتەلدىك اۆتورلاردىڭ بىرقاتار نازار اۋدارارلىق جاريالانىمى ۇسىنىلدى. ماسەلەن, بۇل نومىردە تاريح عىلىمدارىنىڭ دوكتورى, پروفەسسور جامبىل ارتىقباەۆ سۇلتان بايبارىس تۋرالى اڭگىمەلەيدى. تاريحشى عالىمدار جاراس ەرمەكباي, اسقار ماقىپوۆ, حاريس ۆافين ستالينيزم جىلدارىندا حالىقتار مەن ۇلتتىق-ەتنيكالىق توپتاردى ەلىمىزگە جەر اۋدارۋدىڭ ەرەكشەلىكتەرىن اشىپ كورسەتەدى. قىرعىزستاننان كەلگەن اۆتور گۇلناز شىنىكەەۆا جاھاندانۋ داۋىرىندە ءوز ەلىندەگى ەتنودەموگرافيالىق ۇدەرىستەردىڭ ەرەكشەلىكتەرىن ۇسىندى.
ۇلتتىق قولجازبالار جانە سيرەك كىتاپتار ورتالىعىنىڭ باس ساراپشىسى المات مالىكوۆ ورتاعاسىرلىق اراب ءتىلدى ادەبيەتتەگى اق وردا مەن كوك وردا بيلەۋشىلەرىنىڭ سيپاتتامالارىنا سالىستىرمالى تالداۋ جۇرگىزەدى. ورىنبور مەملەكەتتىك پەداگوگيكالىق ۋنيۆەرسيتەتىنىڭ اسپيرانتى ستانيسلاۆ ۆالەۆكو «1914-1917 جىلدارداعى ورىنبور گۋبەرنياسىنداعى رەۆوليۋتسيالىق وقيعالار» تاقىرىبىن كوتەرەدى. تاريحشى بۇركىتباي اياعان نيدەرلاندتا قازاقستانعا قاتىستى تابىلعان ارحيۆ ماتەريالدارىن سيپاتتايدى.
ۇلتتىق ءارحيۆتىڭ ديرەكتورى ساعيلا نۇرلانوۆا مەن قاۋىمداستىرىلعان پروفەسسور ارداق قاپىشەۆ استانا قالاسىنىڭ مەملەكەتتىك ءارحيۆىنىڭ دەرەكتەرىنە سۇيەنىپ, اقمولا ءوڭىرىنىڭ ەتنيكالىق ەرەكشەلىكتەرىن كورسەتەدى. تاريح عىلىمى سالاسىنداعى جاڭا عىلىمي جاڭالىقتاردى وسى سانعا ەنگىزگەن تاعى دا باسقا اۆتورلار بار.
ەندى «Arhiv habarşysy» جۋرنالىنىڭ كەزەكتى شىعارىلىمى وتاندىق جانە شەتەلدىك عالىمداردى, ارحيۆشىلەردى, ستۋدەنتتەردى, ەلىمىزدىڭ تاريحىنا قىزىعۋشىلىق تانىتىپ, زەرتتەپ جۇرگەن قاراپايىم ازاماتتاردى بەيجاي قالدىرمايدى دەپ ۇمىتتەنەمىز. جۋرنالدى وسى سىلتەمەگە ءوتىپ قاراي الاسىزدار – https://disk.yandex.ru/d/ZFbCL505s-WbjA.
