ءىىم اكىمشىلىك پوليتسيا كوميتەتىنىڭ مىلەمەتىنشە, 23 قاڭتاردان بەرى 200 مىڭعا جۋىق اۆتوكولىك ونلاين تەكسەرۋدەن وتكەن. ونىڭ ىشىندە 100 مىڭنان استام كولىك قۇرالى زاڭداستىرىلعان.
«قازىرگى ۋاقىتتا ىشكى ىستەر مينيسترلىگى قوسالقى بولشەكتەر رەتىندە اكەلىنگەن اۆتوكولىكتەردى زاڭداستىرۋ شارتتارىن ايقىندايتىن ۇكىمەت قاۋلىسىنىڭ جوباسىن ازىرلەدى. جوبا ۇكىمەتتىڭ قاراۋىنا ەنگىزىلىپ, وعان كەلەسى اپتادا قول قويىلادى دەپ كۇتىلۋدە. ۇكىمەت قاۋلىسىنا قول قويىلعاننان كەيىن ءبىرىنشى رەسمي جاريالانعان كۇنىنەن باستاپ 10 كۇن وتكەن سوڭ ول قولدانىسقا ەنگىزىلىپ, سودان كەيىن ءبىز اۆتوكونسترۋكتورلاردى تىركەۋگە الۋعا كىرىسەمىز», دەدى قر ءىىم اكىمشىلىك پوليتسيا كوميتەتىنىڭ توراعاسى قايسار سۇلتانباەۆ.
