«جازدا تاريفتەردى 10-30 پايىزعا كوتەرۋ جوسپارلانىپ وتىر. ءار وڭىردە ءارتۇرلى ءوسىم بولادى», دەدى الىبەك قۋانتىروۆ ءماجىلىس الاڭىندا جۋرناليستەردىڭ ساۋالدارىنا جاۋاپ بەرىپ.
مينيستر تاريفتەردىڭ كوتەرىلۋ سەبەبىن جەلىلەردىڭ توزۋى, ماسەلەن, بۇگىندە جىلۋ جەلىلەرىنىڭ 80-85 پايىزىنىڭ توزىعى جەتكەنىن, سونداي-اق وسى سالاداعى جۇمىسشىلاردىڭ جالاقىسىن كوتەرۋ قاجەتتىگىن ءتۇسىندىردى.
«بىزگە تۇرعىن ءۇي-كوممۋنالدىق شارۋاشىلىق قىزمەتكەرلەرىنىڭ جالاقىسىن كوتەرۋ كەرەك, بۇل - بىرنەشە ءجۇز مىڭ ادام. وكىنىشكە قاراي, جالاقىنىڭ ازدىعىنان ادامدار بۇل سالادان كەتىپ جاتىر», دەپ ءتۇسىندىردى الىبەك قۋانتىروۆ.
مينيستر وڭىرلەر بويىنشا تاريفتەردىڭ ايىرماشىلىعىن دا ءتۇسىندىرىپ ءوتتى.
«ماسەلەن, ەكىباستۇزدا مونوپوليست ءتاريفتى 108 پايىزعا كوتەرۋدى سۇراعان. ءبىز وعان بارا المايمىز. تيىسىنشە, ءبىز مۇنى بىرنەشە رەت ازايتىپ, تالقىلايمىز (تاريفتەردىڭ كولەمى). ويتكەنى تاريفتەر حالىققا قولايلى بولۋى كەرەك», دەيدى الىبەك قۋانتىروۆ.
ونىڭ ايتۋىنشا, تاريفتەردى قالىپتاستىرۋ ماسەلەلەرىن حالىقتىڭ الەۋمەتتىك ءال-اۋقاتىن ەسكەرە وتىرىپ, ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتى قارايدى.
