پرەمەر-مينيستر CNPC قازاقستاننىڭ ەنەرگەتيكا سالاسىنداعى ماڭىزدى ستراتەگيالىق سەرىكتەستەرىنىڭ ءبىرى ەكەنىن جانە كومپانيانىڭ 25 جىلدان استام ەلىمىزدە تابىستى جۇمىس ىستەپ كەلە جاتقانىن اتاپ ءوتتى.
ء«بىز مۇناي-گاز سالاسىنىڭ بارلىق سەكتورىنداعى ءىرى جوبالاردى بىرلەسە جۇزەگە اسىرعان جىلدار ارالىعىندا سەنىمدى سەرىكتەستىك قاتىناس ورناتتىق. قازاقستان ۇكىمەتى ستراتەگيالىق ىنتىماقتاستىعىمىزدى ءارى قاراي دا تەرەڭدەتۋگە نيەتتى», دەدى ءاليحان سمايىلوۆ.
ءوز كەزەگىندە حۋان يۋنچجان بۇعان دەيىن دە بىرقاتار بىرلەسكەن جوبانىڭ ءساتتى جۇزەگە اسىرىلعانىن, ولاردىڭ باسىم بولىگى ءوزارا ءتيىمدى ىنتىماقتاستىقتىڭ ۇلگىسى بولىپ سانالاتىنىن اتاپ ءوتىپ, كومپانيا قازاقستان رەسپۋبليكاسىنداعى قىزمەتىن كەڭەيتۋگە مۇددەلى ەكەنىن ءبىلدىردى.
«قىتاي مەن قازاقستان – تاتۋ كورشىلەر. CNPC ەلدەرىمىز اراسىنداعى ەكىجاقتى قارىم-قاتىناستى ودان ءارى نىعايتۋعا ۇلەس قوسۋعا دايىن», دەدى حۋان يۋنچجان.
كەزدەسۋ بارىسىندا تاراپتار مۇناي ەكسپورتى, قازاقستانداعى CNPC جۇمىسكەرلەرىنىڭ ەڭبەك جاعدايىن جاقسارتۋ, سونداي-اق باسقا دا بىرقاتار وزەكتى ماسەلەنى تالقىلادى.
