سينتەتيكالىق ەسىرتكىمەن كۇرەس ماسەلەسى ەڭ العاش رەت قر پرەزيدەنتى جانىنداعى جاستار ساياساتى جونىندەگى كەڭەستىڭ 2022 جىلى تامىز ايىندا وتكەن وتىرىسىندا قوزعالعان.
2022 جىلدىڭ قىركۇيەك ايىندا جاريالاعان جولداۋىندا پرەزيدەنت سينتەتيكالىق ەسىرتكىمەن كۇرەستى مەملەكەتتىك ساياساتتىڭ باسىم باعىتتارىنىڭ ءبىرى رەتىندە اتادى. ودان بولەك, مەملەكەت باسشىسى بۇل ماسەلەنى ءوزىنىڭ سايلاۋالدى باعدارلاماسىنا دا ەنگىزدى.
اتالمىش ستراتەگيالىق قۇجاتتاردى جۇزەگە اسىرۋ اياسىندا قازاقستان رەسپۋبليكاسىنىڭ ناشاقورلىققا جانە ەسىرتكى بيزنەسىنە قارسى 2023-2025 جىلدارعا ارنالعان كەشەندى جوسپارىنىڭ جوباسى ازىرلەنىپ جاتىر. بۇل جۇمىسقا كەڭەس مۇشەلەرى دە بەلسەندى تۇردە قاتىسىپ جاتىر.
بۇگىنگى كەزدەسۋگە كەڭەس مۇشەلەرىمەن قاتار ىشكى ىستەر, دەنساۋلىق ساقتاۋ, وقۋ-اعارتۋ مينيسترلىكتەرىنىڭ باسشىلارى قاتىستى. ولار سينتەتيكالىق ەسىرتكىنىڭ تارالۋىنا قارسى كۇرەس, ازىرلەنىپ جاتقان كەشەندى جوسپار شەڭبەرىندە ناشاقورلىقتان ەمدەۋ جانە وڭالتۋ ماسەلەلەرى باعىتىندا اتقارىلعان جۇمىستار جايىندا باياندادى.
جيىن سوڭىندا اقپاراتتىق-پروفيلاكتيكالىق جۇمىستارعا جۇرتشىلىقتى بەلسەندى قاتىستىرا وتىرىپ, مەملەكەتتىك ورگاندار ءۇشىن ناقتى ۇسىنىمدار بەرىلدى.
