جەڭىمپاز كوماندالاردى ماراپاتتاۋ راسىمىنە استانا قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ, قر پارلامەنتى ءماجىلىسىنىڭ دەپۋتاتى پاۆەل كازانتسەۆ جانە استانا قالاسى ءماسليحاتىنىڭ دەپۋتاتى نۇرلان مۋسليم قاتىسىپ, جۇلدەلى ورىندارعا يە بولعان بۇرىمدى قىزداردى قۇتتىقتاپ, جىلى لەبىزدەرىن ءبىلدىردى.
«ەلىمىزدە ايەلدەر حوككەيىنىڭ دامۋىنا, اسىرەسە بولاشاق چەمپيونداردى بالا جاستان تاربيەلەۋگە ەرەكشە كوڭىل بولىنە باستادى. وعان بۇگىنگى جارىس دالەل بولىپ وتىر. بىلتىر ەل چەمپيوناتىنا 5 كوماندا كەلىپ ەدى. بيىل كورسەتكىش 7-ەۋگە جەتتى. ياعني جىل وتكەن سايىن وسى سپورت تۇرىنە دەگەن قىزىعۋشىلىق ارتىپ كەلەتىنىن بايقاپ وتىرمىز. قىزداردىڭ دەڭگەيى دە جاقسى. ويىندار وتە تارىستى ءوتتى. بىرنەشە قىز ەرەكشە قابىلەتىمەن كوزگە ءتۇستى. سايكەسىنشە, ۇلتتىق قۇراماعا لايىقتى ءىزباسارلار ءوسىپ كەلەدى دەگەن ءسوز», دەيدى ايەلدەر حوككەيىنىڭ جەتەكشىسى بۇلبۇل قارتاڭباي.
جارىس قورىتىندىسى بويىنشا «استانا» كومانداسى باس جۇلدەنى جەڭىپ الدى. ۇزدىك ۇشتىكتى الماتى مەن وسكەمەن قالاسىنىڭ قۇرامالارى تۇيىندەدى.
