شاحتينسكىدە «ارسەلورميتتال تەمىرتاۋ» زاڭگەرىنىڭ ءمايىتى تابىلدى

قايعىلى وقيعا 23 ءساۋىر تۇسكى ۋاقىتتا بولعان. 112 قىزمەتىنىڭ ديسپەتچەرلەرىنە بەس قاباتتى ۇيدە ءورت شىققانى تۋرالى حابار تۇسكەن.

«23 ءساۋىر ساعات 13:01-دە شاحتينسك قالاسىندا جەڭىسكە 40 جىل كوشەسى, 79-شى ۇيدە ءورت شىققانى تۋرالى حابارلاما كەلىپ ءتۇستى. بەس قاباتتى تۇرعىن ءۇيدىڭ 5-قاباتىنداعى پاتەردە جالپى اۋدانى 6 شارشى مەتر اۋماقتا جيھاز بەن ءۇي زاتتارى ورتەندى. ءورت ورنىنان 1969 جىلى تۋعان ايەلدىڭ دەنەسى تابىلدى. تج دەپارتامەنتىنىڭ قىزمەتكەرلەرى كىرەبەرىستەگى پاتەرلەردەن 9 ادامدى ەۆاكۋاتسيالادى. ءورت 13:25-تە وقشاۋلانىپ, 13:31-دە تولىق ءسوندىرىلدى. وقيعانىڭ ءمان-جايى مەن ءورتتىڭ سەبەبى انىقتالىپ جاتىر», دەپ حابارلادى قاراعاندى تجد ءباسپاسوز قىزمەتى.

بەلگىلى بولعانداي, قايتىس بولعان ادامنىڭ دەنەسىنەن پىشاق جاراقاتىنىڭ ءىزى تابىلعان. پوليتسيا «كىسى ءولتىرۋ» بابى بويىنشا ءىس قوزعادى.

اتالعان فاكتى بويىنشا قر قك 99-بابى 1-بولىگى بويىنشا قىلمىستىق ءىس تىركەلدى. قازىرگى ۋاقىتتا كىنالى ادامدى جانە بولعان وقيعانىڭ ءمان-جايىن انىقتاۋ بويىنشا جەدەل-ىزدەستىرۋ ءىس-شارالارى جۇرگىزىلىپ جاتىر. قاجەتتى ساراپتامالار تاعايىندالدى.