جارىستىڭ جۇپتىق باسەكەسىندە ونەر كورسەتكەن قازاقستاندىق تەننيسشى پورتۋگاليالىق فرانتسيسكو كابرالمەن بىرگە جۇپ قۇراپ, فينالدا وسى جارىستىڭ ءبىرىنشى راكەتكالارى ۇلىبريتانيالىق دجەيمي ماررەي مەن جاڭازەلانديالىق مايكل ۆينۋسپەن باس جۇلدەنى ساراپقا سالدى. ءبىر ساعات 22 مينۋتقا جالعاسقان كەزدەسۋدە ماررەي-ۆينۋس جۇبى ەكى سەتتە 7:5, 6:2 ەسەبىمەن جەڭىسكە جەتتى. اتالعان ءتۋرنيردىڭ فينالىنا شىققانى ءۇشىن الەكساندر مەن فرانتسيسكو 15 190 ەۋرو كولەمىندە قارجىلاي سىياقىعا جانە ارقايسىسى 150 رەيتينگتىك ۇپايعا يە بولدى.
وكىنىشكە قاراي, شتۋتگارت قالاسىنداعى WTA 500 تۋرنيرىنە قاتىسقان وتانداسىمىز ەلەنا رىباكينا دا جارىستىڭ ەكىنشى اينالىمىنان ارىگە اسا المادى. ول ەكىنشى اينالىمدا دۇنيەجۇزىلىك رەيتينگتە 14-ورىندا تۇرعان برازيليالىق بەاتريس حادداد مايامەن شەبەرلىك بايقاسىپ, ەكىنشى سەتتە جاراقاتىنا بايلانىستى جارىستى جالعاستىرۋدان باس تارتتى. رىباكينا بىلتىر دا شتۋتگارتتاعى ءتۋرنيردىڭ ەكىنشى اينالىمىندا سۇرىنگەن بولاتىن.
