قايعىلى وقيعا 21 ءساۋىر كۇنى 21:25 شاماسىندا تەمىرتاۋ قالاسىنداعى چەرنىشەۆسكي كوشەسىنىڭ بويىندا بولعان. 40 جاستاعى ەر ادامدى 20 جاستاعى جىگىت باسقارىپ كەلە جاتقان «Hyundai Creta» كولىگى قاعىپ كەتكەن. ەر ادام جاياۋ جۇرگىنشىلەر وتۋگە بولمايتىن جەردەن جولدى قيىپ وتكەن.
«وقيعا سالدارىنان 40 جاستاعى جاياۋ جۇرگىنشى وقيعا ورنىندا مەرت بولدى. اتالعان دەرەك پوليتسيادا تىركەلدى. ءتيىستى ساراپتامالار تاعايىندالىپ, قورىتىندىسى بويىنشا ناقتى پروتسەسسۋالدىق شەشىم قابىلدانادى. پوليتسيا دەپارتامەنتى جول قوزعالىسى قاتىسۋشىلارىن جول ءجۇرۋ ەرەجەلەرىن قاتاڭ ساقتاۋعا شاقىرادى», دەلىنگەن قاراعاندى وبلىسىنىڭ پد ءباسپاسوز قىزمەتى تاراتقان حابارلامادا.
