ەندى قۇراماعا جىلدىڭ باستى رەسپۋبليكالىق جانە حالىقارالىق جارىستارىندا 1-دەن 8-گە دەيىن ورىن العان سپورتشىلار قابىلدانادى.
ايتا كەتەيىك, بۇعان دەيىن قۇرامالار تەك چەمپيوندار مەن جۇلدەگەرلەردەن عانا جاساقتالعان ەدى.
اتالعان وزگەرىس بوكس, دزيۋدو, گرەك-ريم كۇرەسى, ەركىن كۇرەس, ايەلدەر كۇرەسى, بياتلون, شاڭعى جارىسى, تاەكۆوندو WTF سپورت تۇرلەرىنە قاتىستى.
سپورتتىق ويىن تۇرلەرىنە دە وسى ءتارتىپ قولدانىلادى, بىراق نەگىزگى جانە قوسالقى كوماندالارعا جىلدىڭ باستى رەسپۋبليكالىق جانە حالىقارالىق تۋرنيرلەرىندە 1-دەن 10-شى ورىنعا دەيىن يەلەنگەن سپورتشىلار شاقىرىلادى.
ء«بىز دارىندى سپورتشىلار ءۇشىن ۇلتتىق قۇراما قاتارىنا قوسىلۋ مۇمكىندىگىن ۇلعايتۋىمىز كەرەك دەپ سانايمىز. اسىرەسە, بولاشاعىنان زور ءۇمىت كۇتەتىن, تاجىريبەلى, دارىندى, جاس سپورتشىلار ءۇشىن, ونىڭ ىشىندە اۋىل سپورتشىلارى ءۇشىن جاقسى مۇمكىندىك. بۇل وزگەرىستەر پايدالى بولادى جانە دۇرىس باسەكەلەستىكتىڭ دامۋىنا ىقپال ەتەدى دەپ ۇمىتتەنەمىز», دەدى مادەنيەت جانە سپورت ءمينيسترى اسحات ورالوۆ.
