جۇلدە قورى 780 637 دوللارعا باعالانعان دودانىڭ العاشقى اينالىمىندا وسى جارىستىڭ التىنشى راكەتكاسى رەتىندە تىركەلگەن ە.رىباكينا دۇنيەجۇزىلىك رەيتينگتە 65-ورىندا تۇرعان گەرمانيالىق يۋلە نيمايەرمەن شەبەرلىك بايقاستى. ءبىر جارىم ساعاتقا جالعاسقان ماتچتا وتانداسىمىز قارسىلاسىن ەكى سەتتە – 7:5, 6:3 ەسەبىمەن تىزە بۇكتىرىپ, ەكىنشى اينالىمعا جولداما الدى. باسەكە بارىسىندا وتانداسىمىز 9 ەيس جاساپ, 5 برەيك-پوينتتىڭ ۇشەۋىن ءتيىمدى پايدالانا ءبىلدى. ەلەنا ءتۋرنيردىڭ شيرەك فينالىنا شىعۋ ءۇشىن الەمنىڭ 14-راكەتكاسى برازيليالىق بەاتريس حادداد مايامەن تالاسادى.
ءتۋرنيردىڭ جەڭىمپازىنا 120 مىڭ ەۋرو مەن «پورشە» سپورتكارى سىياقىعا قوسىمشا رەتىندە يەلىك ەتەتىنىن ايتا كەتەيىك. ال شتۋتگارتتاعى ءتۋرنيردىڭ بىلتىرعى باسەكەسىندە ە.رىباكينا ەكىنشى اينالىمدا سۇرىنگەن بولاتىن. ول 1/8 فينالدا يسپانيالىق پاۋلا بادوسا حيبەرتپەن كەزدەسىپ, ءۇش سەتتە 6:4, 4:6, 7:6 ەسەبىمەن جەڭىلىپ قالعان ەدى.
