ونىڭ ايتۋىنشا, جىل سايىن ەلىمىزدە 10-15 مىڭ جول-كولىك وقيعاسى تىركەلەدى.
«جىلىنا ەلىمىزدە 10-15 مىڭ جول-كولىك وقيعاسى تىركەلسە, سالدارىنان 2 مىڭعا جۋىق ادام قايتىس بولادى. سوڭعى 30 جىلدا جول اپاتىنان كوز جۇمعانداردىڭ سانى اۋعان سوعىسىنان قازا تاپقان اسكەرلەردىڭ سانىنان ءتورت ەسە اسىپ وتىر. جول اپاتى سالدارىنان تۋىندايتىن ەكونوميكالىق شىعىننىڭ كولەمى جالپى ىشكى ءونىمنىڭ ءۇش پايىزىن قۇرايدى. وكىنىشتىسى, جول اپاتىنان قازا تاپقانداردىڭ سانى جىل سايىن ءوسىپ كەلەدى», دەدى دەپۋتات.
ساراپشىلاردىڭ پايىمداۋىنشا, مۇنداي وقيعالارىنىڭ كوبەيۋىنە ەمتيحان تاپسىرماي-اق جۇرگىزۋشى كۋالىگىن ەش كەدەرگىسىز وپ-وڭاي ساتىپ الۋ مۇمكىندىگى سەبەپ بولىپ وتىر. ونداي ەمتيحاندى مەردىگەر كومپانيانىڭ قىزمەتكەرلەرى دە, مامانداندىرىلعان حالىققا قىزمەت كورسەتۋ ورتالىقتارى دا ۇسىنىپ ءجۇر. جىل سايىن جول ەرەجەرى ەمتيحانىن تاپسىرۋشىلاردىڭ سانى ورتا ەسەپپەن 420 مىڭ ادامدى قۇراسا, ەڭ تومەنگى جوبامەن ولاردىڭ 10 پايىزى, ياعني 42 مىڭ ادام كۋالىكتى ساتىپ الادى. ودان تۇسكەن قاراجاتتىڭ كولەڭكەلى اينالىمى جىل سايىن 8 ملرد تەڭگەدەن اسادى.
جۇرگىزۋشى كۋالىگىن الۋ كەزىندە سىبايلاس جەمقورلىققا جول بەرىلگەندىكتەن بۇل مەملەكەتتىك قىزمەت ءتۇرىن ازاماتتارعا ارنالعان ۇكىمەت مەملەكەتتىك كورپاراتسياسى قۇزىرەتتىلىگى اياسىندا الىپ تاستاۋ ۇسىنىلادى. سونىمەن قاتار ىشكى ىستەر, تسيفرلىق دامۋ مينيسترلىكتەرى, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىكتەرىنىڭ قاتىسۋىمەن كەڭەسشى ورگان قۇرىلدى.
ايتا كەتەيىك, بۇعان دەيىن مەملەكەت باسشىسى قاسىم-جومارت توقاەۆ ادام ولىمىنە اكەلىپ سوعاتىن جول كولىك وقيعالارىن ازايتۋعا جانە وسىعان جول بەرەتىن سىبايلاس جەمقورلىقتى جويۋعا باعىتتالعان جۇيەلى شارالاردى قابىلداۋدى تاپسىرعان ەدى.
