QR-كىتاپحانا – ەلوردا كۇنىنە ارنالدى

ەلوردانىڭ ءتول مەرەكەسى – كۇللى قازاق­ستاندىقتاردىڭ ورتاق مەيرامى. وسكەلەڭ ۇرپاق وتاندىق پات­ريوتيزمنىڭ قاينارىنان سۋسىنداۋى ءۇشىن اتامەكەنىمىزدىڭ كىندىك قالا­سىنىڭ مەيرامى ايرىقشا ماڭىزدى. بيىل ا.پۋشكين اتىنداعى شىعىس قازاقستان وبلىستىق كىتاپ­حاناسى ەلوردا مەرەكەسىنە وراي «ەلىمنىڭ جۇرەگى – استانا» اتتى ايرىقشا باعدارلاما ازىرلەدى. ياعني, استانا كۇنىنە – QR-كىتاپحانا ۇيىم­داستىرىلدى. اتاپ ايتقاندا, شىلدە ايىنىڭ العاشقى ونكۇندىگىندە «استاناعا دەگەن ماحابباتپەن!» اتتى استانا جايلى كىتاپتار, مەرزىمدى باسىلىمدار, البومدار جانە دەرەكتى فيلمدەر كورمەسى وتۋدە. ارينە, اتالعان شارالاردىڭ ىشىندە سونى جاڭالىق – كىتاپحانا الدىنداعى الاڭدا تاۋلىك بويى جۇمىس ىستەيتىن QR-كىتاپحانانىڭ تۇساۋكەسەرى دەۋگە بولادى. جاڭا يننوۆاتسيالىق مادەني-بىلىمدىك جوبانى وبلىستىق مادەنيەت, مۇ­راعات جانە قۇجاتتاما باس­قار­ماسى ۇسىندى. QR-كىتاپحانانىڭ ءبىر ەرەكشەلىگى, سورەدەن كىتاپ الىپ, ءان تىڭداپ, بەينەروليك تاماشالاۋ ءۇشىن وقىرمان بيلەتى قاجەت ەمەس. ا.پۋشكين اتىنداعى كىتاپ­حانا ساياباعىندا اقىسىز Wi-Fi قىزمەتى بار. وسى ارقىلى عالامتورعا ەنىپ, پلانشەتىڭىزگە ارنايى قوسىمشانى ورناتۋ قاجەت. ونىڭ كومەگىمەن جەكە QR-كودتى وقىپ, قاجەتتى اقپاراتتى الۋعا بولادى. كىتاپتى جۇكتەۋ تۋرالى نۇسقاۋ ءار سورەدە بەرىلگەن. QR-كىتاپحانا – جاقسى, ساپالى ادەبيەتتىڭ ماڭگىلىك قۇندى­لىقتارى مەن زاماناۋي اقپاراتتىق تەحنولو­گيالاردىڭ ۇيلەسىمىن تاۋىپ وتىر. وقىرماندارىمىزدىڭ «ءموبيلدى ۇرپاعى» وسى باستاماعا لايىقتى باعا بەرىپ, قالامىزدا وقۋعا دەگەن ىنتا ارتا تۇسەدى دەگەن ۇمىتتەمىز. حابيبا اقجىگىتوۆا, ا.پۋشكين اتىنداعى شىعىس قازاقستان وبلىستىق كىتاپحاناسىنىڭ ديرەكتورى.   وسكەمەن.