الەم قۇراماسى ۇزدىك شىقتى

بۇعان دەيىن جاز­عا­نى­مىز­داي, راپيد بويىنشا وتكەن العاشقى ەكى كۇندە وتانداس­تارىمىز الەم قۇراماسىنا بەس ۇپاي ايىر­ماشىلىعىمەن جول بەرگەن ەدى. العاشقى ءتورت تۋردا ايەلدەر اراسىنداعى الەم­­دىك رەيتينگتە كوش باس­تاپ تۇرعان قىتايلىق حوۋ يفان باس­تاعان شاحماتشىلار 18,5:13,5 ەسەبىمەن العا شىعىپ ال­سا, كەيىنگى كۇنگى باسەكەدە دە قارقىنىن باسەڭدەتكەن جوق. ءبيبىسارا اساۋباەۆا, دي­نارا سادۋاقاسوۆا, جانسايا ابدى­مالىك سەكىلدى تاجىريبەلى گروسس­مەيستەرلەرىمىز قار­سى­لاس­ت­ا­رى­نا لايىقتى قار­سىلىق كور­­سەتكەنىمەن, جاس شاحماتشىلارىمىز جەر-جاھاننىڭ ۇز­دىكتەرى الدىندا تاجىريبەسىز­دىگىن تانىتتى. ءسويتىپ ەكىنشى كۇنگى ءتورت تۋردان كەيىن, ياعني جالپى سەگىز تۋردىڭ قورى­تىندىسى بويىنشا دانا رەيزنيەتسە-وزولا جەتەكشىلىك ەتكەن الەم قۇراماسى 34,5-29,5 ەسەبىمەن جەڭىسكە جەتتى.

ءبىر ايتا كەتەرلىگى, سول ەكى كۇندە جىلدام شاحماتتان (بليتس) الەمنىڭ ەكى دۇركىن جەڭ­ىم­پازى ءبيبىسارا اساۋباەۆا ءتورت دۇركىن الەم چەمپيونى 29 جاستاعى قىتايلىق حوۋ ءيفاندى ەكى رەت تىزە بۇكتىرىپ, ءتۋر­نيردى تاماشالاۋعا كەلگەن ما­ماندار مەن جانكۇيەرلەردىڭ نازارىن وزىنە اۋدارتتى.

جەرلەستەرىمىز راپيد جارىسى بويىنشا قارسىلاستارىنا جول بەرگەننەن كەيىن جان­كۇيەرلەر بليتس باسەكەسىندە وتان­داستارىمىزدان ناتيجەلى ويىن كۇتكەن بولاتىن. ويتكەنى كەيىنگى جىلدارى قازاقستان شاحماتشىلارى جىلدام شاحماتتا تولايىم تابىستارعا قول جەتكىزىپ ءجۇر. دەگەنمەن, بۇل سايىستا دا قازاقستان قۇ­را­­ما­سىنىڭ ويىنشىلارى قار­سىلاستارىنان جەڭىلىپ قالدى.

بليتس بويىنشا الەمنىڭ ەڭ ۇزدىك شاحماتشىسى سانالعان ءبيبىسارا اساۋباەۆا سەگىز ماتچ­تىڭ تورتەۋىندە جەڭىسكە جەتىپ, قازاقستان قۇراماسىن جالپى ەسەپتە العا سۇيرەسە دە, وزگە ارىپ­تەستەرى وعان كومەكتەسە ال­مادى. حوۋ ءيفاندى راپيدتە ەكى مارتە جەڭگەن ءبيبىسارا بۇل جولى سول جەتىستىگىن قايتالاي المادى. بليتستە ول قىتايلىق قارسىلاسىنان ءبىر مارتە باسىم ءتۇسىپ, ءبىر رەت جەڭىلىپ قال­دى. ال دينارا سادۋاقاسوۆا ء(ۇش تەڭ ويىن) مەن جانسايا اب­دى­مالىك ء(تورت تەڭ ويىن) بىر­دە-ءبىر كەزدەسۋىندە جەڭىسكە جەتە ال­مادى.

ءسويتىپ 8 تۋردىڭ قورى­تىن­­دىسى بويىنشا الەم قۇرا­ماسى بۇل جولى دا جەرلەس­تەرىمىزدى ايقىن باسىمدىقپەن قاپى قالدىردى – 38,5-25,5. ەرەجەگە سايكەس, جەڭىمپاز اتان­عان قۇراماعا ۋادە ەتىلگەن 30 000 اقش دوللارى, ەكىن­شى ورىنعا 20 000 دوللار كو­لەمىندەگى قار­جىلاي سىياقى بە­رىلدى.

ءوز ەلىمىزدە ۇيىمداستى­رىل­عان جارىستا وتانداستا­رىمىز جانكۇيەرلەرىن جەڭىس­پەن قۋانتا الماسا دا, كورەر­مەندەرگە تارتىستى ويىن سىي­­­لاي ءبىلدى. سونىمەن قا­تار جاس شاحماتشىلارىمىز الەم­نىڭ ەڭ ۇزدىكتەرىمەن شە­بەر­لىك بايقاسىپ, وزدەرىنە ومىر­لىك ازىق بولاتىن مول تا­جى­ريبە جينادى. سوندىقتان بۇل ماتچ­تا ەلدىڭ شاحماتى دا, شاحماتشىلارى دا جەڭىلگەن جوق دەگەن ويدامىز.