جاسوسپىرىمدەر اراسىنداعى شايبالى حوككەيدەن ا ديۆيزيونىنىڭ الەم چەمپيوناتى 24-29 ءساۋىر كۇندەرى فرانتسيانىڭ انجە قالاسىندا ۇيىمداستىرىلادى. سەرگەي ستارىگين جەتەكشىلىك ەتەتىن قازاقستان قۇراماسى جاھاندىق دودانىڭ الدىندا فرانتسيامەن جولداستىق ماتچ وتكىزىپ, 7:2 ەسەبىمەن باسىم ءتۇستى.
بۇل ماتچتا جەرلەستەرىمىزدەن ءبىرىنشى كەزەڭدە – داۋلەت نۇركەنوۆ, ەگور لەۆكوۆەتس (دۋبل), ەكىنشى كەزەڭدە – نيكيتا سيتنيكوۆ (دۋبل), رومان بولشەدۆورسكي, ءۇشىنشى كەزەڭدە كيريلل كانكين مەرگەندىگىمەن كوزگە ءتۇستى. ەلىمىزدىڭ جاسوسپىرىمدەر قۇراماسى فرانتسياداعى الەم چەمپيوناتىندا ماجارستان (23 ءساۋىر), جاپونيا (24 ءساۋىر), دانيا (26 ءساۋىر), ۋكراينا (27 ءساۋىر) جانە فرانتسيا (29 ءساۋىر) حوككەيشىلەرىمەن كەزدەسەدى.
