«قازىر اۋا رايىنىڭ ناشارلاۋىنا بايلانىستى كولىك قۇرالدارىنىڭ بارلىق ءتۇرى ءۇشىن رەسپۋبليكالىق ماڭىزى بار اۆتوجولداردا ءتورت باعىت بويىنشا قوزعالىس جابىلدى. ولار:
- استانا-قورعالجىن,
- استانا-ەرەيمەنتاۋ-شىدەرتى,
- استانا-انار ستانتسياسى,
- استانا-ششۋچينسك», دەلىنگەن حابارلامادا.
تجد قىزمەتكەرلەرى جوعارى ءوتىمدى تەحنيكامەن قالادان شىعۋ باعىتتارى بويىنشا پاترۋلدەۋ جۇرگىزەدى.
ەلوردا تۇرعىندارى مەن قوناقتارىنا قالا سىرتىنا بارۋدان باس تارتۋ, قىراعى بولۋ, اۋا رايىنىڭ وزگەرۋى جانە ەنگىزىلگەن شەكتەۋلەر تۋرالى اقپاراتتى قاداعالاۋ ۇسىنىلادى.
«قۇرىلىس وبەكتىلەرى حالىقتى جانە اۋماقتى قولايسىز اۋا رايىنىڭ اسەرىنەن قورعاۋ جونىندە قوسىمشا شارالار قابىلداسىن», دەلىنگەن دەپارتامەنت حابارلاماسىندا.
بۇعان دەيىن استانانىڭ توتەنشە جاعدايلار دەپارتامەنتى اۋا رايىنىڭ قولايسىزدىعىنا بايلانىستى وتكەن جانە قازىرگى تاۋلىكتە 112 جەلىسىنە ءتۇرلى سيپاتتا 3500-دەن استام قوڭىراۋ تۇسكەنىن حابارلاعان ەدى.
