قالالىق اۋرۋحانانىڭ ءباسپاسوز قىزمەتى مالىمەتىنشە, ەكى ادام جانساقتاۋ بولىمىندە اۋىر حالدە جاتىر, ءبىرىنىڭ 80 پايىز, ەكىنشىسىنىڭ 50 پايىز دەنەسىن كۇيىك شالعان. باسقا ادامداردىڭ جاعدايى قاناعاتتانارلىق.
وقيعا ورنىنا وبلىس اكىمى نۇرلان نوعاەۆ تا بارعان. ءۇيىندىنى ارشۋ, قۇتقارۋ جۇمىستارى جالعاسىپ جاتىر.
ايتا كەتەيىك, وقيعا 17 ساۋىردە تاڭعى ساعات 5 شاماسىندا (استانا ۋاقىتىمەن) جاڭاوزەن قالاسىنداعى 2-شاعىناۋداندا ەكى كىرەبەرىستەن تۇراتىن 12 پاتەرلى 2 قاباتتى تۇرعىن ۇيدە بولعان. الدىن الا بولجام بويىنشا گاز جارىلعانى حابارلاندى. ال سالدارىنان 150 شارشى مەتر كىرەبەرىس قيراعان.
