قۇجات جوباسىن ازىرلەۋ كەزىندە ءتىل ساياساتى ماسەلەلەرى بويىنشا كەشەندى الەۋمەتتانۋشىلىق جانە تالدامالىق زەرتتەۋلەردىڭ قورىتىندىلارى قارالدى, تالداندى جانە قابىلداندى.
تۇجىرىمدامانى ىسكە اسىرۋ ەلدەگى تىلدىك احۋالدىڭ الەۋەتىن جانە ونىڭ قوعامدىق-ساياسي, الەۋمەتتىك سالانى دامىتۋعا قوسقان ۇلەسىن ارتتىرۋعا, وڭىرلىك دەڭگەيدە وزەكتى ماسەلەلەردى شەشۋگە, ونىڭ ىشىندە تىلدىك كەمسىتۋشىلىكتىڭ الدىن الۋ جونىندەگى شارالاردى جۇزەگە اسىرۋعا ىقپال ەتەتىن بولادى.
قۇجات جوباسىندا قازاق ءتىلىن لاتىن الىپبيىنە كوشىرۋ ماسەلەسى دە جان-جاقتى قاراستىرىلعان. ءالىپبيدىڭ باستاپقى نۇسقالارىن ازىرلەۋ كەزىندە تۋىنداعان ماسەلەلەر جانە ولاردى شەشۋ جولدارى تالدانعان. ايتا كەتۋ كەرەك, بۇل باعىتتاعى جۇمىس كەزەڭ-كەزەڭمەن جۇرگىزىلەتىن بولادى.
سونداي-اق «اشىق نقا» پورتالىنا ورنالاستىرىلعان جوبا تۇپكىلىكتى ەمەس ەكەنىن اتاپ وتكەن ءجون.
قۇجاتتى تالقىلاۋ قورىتىندىسى بويىنشا حالىقتىڭ پىكىرى ەسكەرىلە وتىرىپ, وزگەرىستەر مەن تولىقتىرۋلار ەنگىزىلەتىن بولادى.
جوبا ماتىنىمەن كەلەسى سىلتەمە بويىنشا تانىسۋعا بولادى.
