قازىرگى تاڭدا بۇل وقيعا بويىنشا تەرگەۋ جۇرگىزىلىپ جاتىر. دەسە دە, ءجابىر كورگەن قىزدىڭ اپكەسى رەسمي دەرەكتەردە شىندىق اشىپ ايتىلمادى دەيدى.
ء«سىڭلىمدى سوققان قىزداردىڭ ءبىرى تەلەگرامدا توپ اشقان. وقيعانىڭ باستاۋى سول جەردە. ۇرىپ-سوعۋ عانا ەمەس, ۇرلىق, بوپسالاۋ دا بار. ءسىڭلىم «ول اقشانى نە ىستەيسىڭدەر» دەپ سۇراعاندا, «وسى تۇسىرىلگەن ۆيدەونى تاراتىپ جىبەرمەس ءۇشىن» دەپ ءتۇسىندىردى», دەدى ادىلدىك ىزدەگەن اپكەسى.
اپكەسى توعجان دوسىموۆانىڭ ايتۋىنشا, ءسىڭلىسى اۋرۋحاناعا جاتقىزىلىپ, ەكى اپتا ەمدەلگەن.
سونداي-اق ءبىلىم باسقارماسى مەن پوليتسيا دەپارتامەنتى ۇسىنعان مالىمەتتىڭ بارلىعى جالعان ەكەنىن ايتۋدا.
ء«بىلىم باسقارماسى مەن كوللەدج تاراپىنان ەشقانداي شارا قولدانىلعان جوق. بەينەجازبا تاراعان سوڭ مينيسترلىككە شىعىپ, نارازىلىق ءبىلدىردىم. ۆيدەونىڭ بارلىق جەردەن ءوشىرىلۋىن سۇرادىم», دەدى توعجان دوسىموۆا.
ال ءبىلىم باسقارماسى باسشىسى ينەسسا چەرنىشەۆانىڭ ايتۋىنشا, جابىرلەنۋشى تاراپ قانداي دا كومەكتەن باس تارتقانىن ايتادى.
«بەينەجازبا بار. كوللەدج اكىمشىلىگى قىزدىڭ دەنساۋلىعى بولماي تۇرعانىن ايتقان. زاڭگەرلىك كومەك تە ۇسىنىلدى. الايدا قىزدىڭ جاقىندارى مۇنداي كومەك الۋدان باس تارتقان. قاجەت بولسا, قولدارى قويىلعان حاتتاما بار», دەدى ينەسسا چەرنىشەۆا.
ءجابىر كورگەن قىزدىڭ اپكەسى سوتتىڭ ءادىل شەشىم شىعارىپ, سوققىعا جىققان قىزداردىڭ لايىقتى جازا الۋى ءتيىس دەيدى.
