كونكۋرستىق ىرىكتەۋدەن وتكەن BAITURSYNOV UNIVERSITY-ءنىڭ «بيولوگيا», «ەسەپ جانە قارجى» ءبىلىم بەرۋ باعدارلامالارىنىڭ ستۋدەنتتەرى جاڭا وقۋ جىلىن ليتۆاداعى ەڭ كونە ۋنيۆەرسيتەتتەردىڭ ءبىرى – VITAUTAS MAGNUS UNIVERSITY-دە باستايدى. مۇنداي مۇمكىندىك قازاقستان مەن ليتۆا ۋنيۆەرسيتەتتەرى اراسىندا قول قويىلعان اكادەميالىق ىنتىماقتاستىق تۋرالى مەموراندۋمنىڭ ارقاسىندا تۋدى.
ەۋروپالىق ۋنيۆەرسيتەتتىڭ ديپلومىن الۋ ءۇشىن قوستانايلىق ستۋدەنتتەر ليتۆا ۋنيۆەرسيتەتىندە ءبىر جىل وقىپ كەلۋى شارت. ناتيجەسىندە ستۋدەنت وقۋ بىتىرگەننەن كەيىن باكالاۆر دارەجەسىندەگى ەكى ديپلوم الادى, ءبىرى – VITAUTAS MAGNUS UNIVERSITY-ءنىڭ, ەكىنشىسى – ا.بايتۇرسىنوۆ اتىنداعى قوستاناي وڭىرلىك ۋنيۆەرسيتەتىنىڭ ديپلومى. VMD-ءنىڭ ديپلومىن الەمنىڭ 50 ەلى, ونىڭ ىشىندە ەۋرووداق ەلدەرى, سونىمەن قاتار اقش پەن كانادا مويىندايدى.
ايتا كەتۋ كەرەك, 100 جىلدىق تاريحى بار ليتۆا ەلىنىڭ وقۋ ورنىندا ءبىلىم الۋ مۇمكىندىگىنە تەك ا.بايتۇرسىنوۆ اتىنداعى قوۋ-دە 1 سەمەستردەن 5 سەمەسترگە دەيىن وقىعان جانە اعىلشىن ءتىلىنىڭ دەڭگەيى ا2-دەن تومەن ەمەس ستۋدەنت قانا يە بولا الادى.
سونداي-اق بۇگىن مەموراندۋم اياسىندا حالىقارالىق ىنتىماقتاستىق تۋرالى كەلىسىمگە دە قول قويىلعان. ۋنيۆەرسيتەتتەر ءۇشىن بۇل – ءوزارا ءتيىمدى اكادەميالىق باعدارلامالار مەن كۋرستاردى ازىرلەۋ, اكادەميالىق ۇتقىرلىق باعدارلاماسى اياسىندا ستۋدەنتتەر مەن وقىتۋشىلاردىڭ الماسۋى, بىرلەسكەن زەرتتەۋلەر مەن كونفەرەنتسيالار, دارىستەر, ترەنينگتەر وتكىزۋ مۇمكىندىگى. وسى جازدا اتالمىش باعدارلاما بويىنشا وقۋ ورنىنىڭ بىرنەشە وقىتۋشىسى ليتۆادا بىلىكتىلىكتەرىن ارتتىرادى.
