«تاعى ءبىر وتە ماڭىزدى ماسەلە. بۇل قازاق ءتىلىنىڭ لاتىن الىپبيىنە كوشۋىنە قاتىستى. بۇل ماسەلە بۇكىل قوعامنىڭ ىقىلاسىن تۋدىرعانى بەلگىلى. مەن بۇرىن بۇل ماسەلە بويىنشا تالاي رەت ايتتىم: ءبىز, ەڭ الدىمەن, وسى ءساتتى پايدالانا وتىرىپ, قازاق تىلىنە رەفورما جاساۋىمىز كەرەك. ماسەلە كيريلل الىپبيىنەن لاتىن الىپبيىنە مەحانيكالىق تۇردە كوشۋدە ەمەس. ءبىز لاتىن الىپبيىنە تەز ارادا كوشۋىمىز كەرەك دەپ, كوپتەگەن ورەسكەل قاتە جىبەردىك», دەدى قاسىم-جومارت توقاەۆ.
وسى تۇستا مەملەكەت باسشىسى لاتىن قارپىمەن جازىلعان بيلبوردتاردى مىسالعا كەلتىردى.
«مىسالى, لاتىن قارپىمەن جازىلعان بيلبوردتارعا قاراڭىزدار! بۇل – قازاق ءتىلى ەمەس, ءتىلىمىزدىڭ تابيعاتىنا جات, بۇرمالانعان ماتىندەر. سوندىقتان بۇل جۇمىستى عىلىم اكادەمياسىنىڭ باسشىلىعىمەن اسىعىستىققا جول بەرمەي, جان-جاقتى ويلاستىرا وتىرىپ, جالعاستىرۋ كەرەك. تاعى دا قاتەلەسۋگە قۇقىمىز جوق. ءبىر مىسال كەلتىرەيىن. مەن بۇل ماسەلە بويىنشا قۇرىلتاي وتىرىسىندا ايتتىم. كيريلليتسادا كوپتەگەن سوزدە «ى» دەگەن ءارىپ بار. مىسالى, «ىرىمشىل» دەگەن سوزدە ءۇش «ى». ءبىز ونى اۆتوماتتى تۇردە «ۋ» دەپ جازاتىن بولدىق. سوندا «ىرىمشىل» دەگەن ءسوزدى لاتىن الىپبيىندە جازاتىن بولساق, ءۇش يگرەك بولادى. بۇل قازاق ءتىلى مە؟ ونى كىم وقي الادى؟ اقىرىندا, ءتىلىمىز كيريلل الىپبيىمەن دە, ءتىپتى, لاتىن الىپبيىمەن دە جاعىمسىز كورىنەتىن بولدى. وسىنداي مىسالدار از ەمەس. سوندىقتان عالىمدارىمىز باسقا ەلدەردىڭ وزىق تاجىريبەسىن مۇقيات زەرتتەپ, ۇتىمدى تۇستارىن پايدالانۋى كەرەك», دەپ تۇيىندەدى پرەزيدەنت.
