ەسكە سالساق, مەملەكەت باسشىسى قاسىم-جومارت توقاەۆتىڭ تاپسىرماسى بويىنشا بيىلدان باستاپ «قازاقستاننىڭ حالىق ءارتىسى» اتاعى قايتا تاعايىندالاتىن بولدى. قۇرمەتتى اتاققا لايىق دەپ تانىلعان مادەنيەت قايراتكەرلەرى رەسپۋبليكا كۇنى قارسانىندا ماراپاتتالادى.
قۇرمەتتى اتاق ەلىمىزدىڭ تەاتر, تسيرك, مۋزىكا جانە كينو ونەرىن دامىتۋعا ەرەكشە ۇلەس قوسقان, وسىعان دەيىن «قازاقستاننىڭ ەڭبەك سىڭىرگەن ءارتىسى» نەمەسە «قازاقستاننىڭ ەڭبەك سىڭىرگەن قايراتكەرى» اتاعىنا يە بولعان مادەنيەت قىزمەتكەرلەرىنە بەرىلەدى.
- «قازاقستاننىڭ حالىق ءارتىسى» اتاعىن قايتا بەرۋ مەملەكەت تاراپىنان ونەر قايراتكەرلەرىنىڭ ەڭبەگىن باعالاۋعا, كاسىبي قاسيەتتەرىن دامىتۋ جانە جەتىلدىرۋگە, كاسىبي شەبەرلىك دەڭگەيىن ارتتىرۋعا جانە جاڭا ونەر تۋىندىلارىن جاساۋعا ىنتالاندىرۋعا, جاس بۋىننىڭ شىعارماشىلىق وسۋىنە ىقپال ەتەدى, - دەدى مادەنيەت جانە سپورت ءمينيسترى اسحات ورالوۆ.
