جەرگىلىكتى سايت مالىمەتىنشە, 2007 جىلى تۋعان قىز 6 ساۋىردە جوعالىپ كەتكەن. ونى ىزدەۋگە پوليتسيا قىزمەتكەرلەرى, قۇتقارۋشىلار مەن ەرىكتىلەر جۇمىلدىرىلعان. وكىنىشكە قاراي, ىزدەۋ ناتيجەسىز بولعان.
10 ساۋىردە كەشكە جوعالعان قىزدىڭ كوپىردەن سەكىرىپ, سۋيتسيد جاساعانى بەلگىلى بولدى. بۇل سۋىت حاباردى ىزدەۋ جۇمىستارىنا قاتىسقان ەرىكتى ساندۋعاش كۋكەنوۆا Facebook-پاراقشاسىندا حابارلادى.
«بەينەباقىلاۋ كامەراسىنا اسەمايدىڭ كوپىرگە شىعىپ بارا جاتقان ءساتى ءتۇسىپ قالعان. ءارى قاراي نە بولعانىن بىلە المادىق. جەكە تۇرعىن ۇيدە تۇرعان كامەرادان كورەمىز بە دەپ ويلادىق, الايدا ءۇي يەسى بىرنەشە كۇن بويى ۇيىندە بولمادى. بۇگىن ول ۇيىنە كەلگەن كەزدە قىزدىڭ اكەسى كامەراعا ءتۇسىپ قالعان ۆيدەونى كوردى. وكىنىشكە قاراي, ول جەردە اسەمايدىڭ كوپىردەن سەكىرگەن ءساتى ۆيدەوعا ءتۇسىپ قالعان», دەپ جازدى ول.
