«سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى «قازاقستان رەسپۋبليكاسىنىڭ كودەكسىنە (سالىق كودەكسى) وزگەرىستەر مەن تولىقتىرۋلار ەنگىزۋ تۋرالى» جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى «قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى» №213-VII 2023 جىلعى 20 ناۋرىزداعى قازاقستان رەسپۋبليكاسىنىڭ زاڭىمەن بىرىڭعاي تولەمدى ەسەپتەۋ بولىگىندە سالىق زاڭناماسىنا وزگەرىستەر كوزدەلگەن.
رەزيدەنت ەمەس-جۇمىسكەرلەردىڭ تابىسىنان جەكە تابىس سالىعىن جانە الەۋمەتتىك تولەمدەردى ەسەپتەۋ جالپىعا بىردەي بەلگىلەنگەن تارتىپپەن جۇرگىزىلەدى. ياعني, رەزيدەنت ەمەس جەكە تۇلعالاردىڭ تابىسىن جۇمىس بەرۋشى بىرىڭعاي تولەممەن سالىقتاندىرۋعا قۇقىعى جوق.
ەندى بىرىڭعاي تولەمدى بولشەك سالىق نەگىزىندەگى ارناۋلى سالىق رەجيمىن قولداناتىن سالىق تولەۋشىلەر دە تولەي الادى.
سالىق كودەكسىنە ەنگىزىلگەن تولىقتىرۋلارعا سايكەس, ۋاكىلەتتى ورگان (قر ەحاقم) بىرىڭعاي تولەمدى تولەۋ, اۋدارۋ جانە قايتارۋ قاعيدالارىنا بىرىڭعاي تولەم بويىنشا ءوسىمپۇلدى تولەۋ, اۋدارۋ جانە قايتارۋ ءتارتىبىن ەنگىزەدى.
جوعارىدا اتالعان جاڭاشىلدىقتار 2023 جىلدىڭ 1 قاڭتارىنان باستاپ قولدانىسقا ەنەدى.
