«10 ساۋىردە ساعات 09:48 شاماسىندا Toyota Land Cruiser Prado كولىگىنىڭ 37 جاستاعى جۇرگىزۋشىسى قورعالجىن تاسجولى بويىمەن كەلە جاتىپ, جولاقتى اۋىستىرۋ كەزىندە كولىككە جول بەرمەي, Toyota Camry كولىگىمەن سوقتىعىسقان. سوققى سالدارىنان كولىك اۋدارىلىپ قالدى», دەلىنگەن جەرگىلىكتى پوليتسيا تاراتقان حابارلامادا.
ايتا كەتسەك, Toyota Land Cruiser Prado كولىگى ينەرتسيا سالدارىنان تاعى ەكى كولىكپەن سوقتىعىسقان.
پوليتسيا دەپارتامەنتى زارداپ شەككەندەر مەن قۇرباندار جوق ەكەنىن مالىمدەدى. قازىر جول اپاتى بويىنشا تەرگەۋ امالدارى جۇرگىزىلىپ جاتىر.
