ايگىلى گەننادي گولوۆكينمەن ءبىر زالدا جاتتىعاتىن 27 جاستاعى جەرلەسىمىز 2014 جىلدان بەرى وسى سپورت ءتۇرىن سەرىك ەتىپ ءجۇر. العاشقى بەس-التى جىل ارالىعىندا 16 رەت شارشى الاڭعا كوتەرىلگەن ول بارلىق باسەكەنى ءوز پايداسىنا شەشكەن ەدى. وسى تابىسىنىڭ ارقاسىندا ءالي IBO نۇسقاسى بويىنشا الەم چەمپيونى اتاعىنا تالاسۋ مۇمكىندىگىنە يە بولدى. وكىنىشكە قاراي, 2020 جىلدىڭ جەلتوقسان ايىندا اقش-تىڭ گولليۆۋدىندە وتكەن جارىستا ول ەكۆادورلىق كارلوس گونگورادان ويسىراي ۇتىلدى. بۇل احمەدوۆتىڭ سپورتتىق مانسابىنداعى العاشقى ساتسىزدىگى ەدى. سودان كەيىن ءۇش باسەكەدە باسىمدىق تانىتتى. سونىڭ ناتيجەسىندە كاسىپقويلار اراسىندا بەدەلى قايتا ارتا باستادى. ەگەر ءالي وسى قارقىنىن باسەڭدەتپەسە, الداعى ۋاقىتتا التىن بەلبەۋ ءۇشىن تاعى دا ايقاسۋى مۇمكىن.
اتالعان سالماقتىڭ چەمپيونى مەكسيكالىق ساۋل الۆارەس ەكەنىن ەستەرىڭىزگە سالا كەتەيىك. ال ءبىرىنشى جانە ەكىنشى ورىنداردى فرانتسيانىڭ قوس مارقاسقاسى – كريستيان مبيللي مەن ەريك بازينيان يەلەنگەن.
