قابىلدانعان زاڭ اۋىل شارۋاشىلىعى مينيسترلىگىمەن جەر ۋچاسكەلەرىن جەدەل جانە اشىق بەرۋ ماقساتىندا ازىرلەندى.
زاڭدا رەسپۋبليكالىق ماڭىزى بار قالالار, استانا, وبلىستىق جانە اۋداندىق ماڭىزى بار قالالار شەگىندە ەلەكتروندىق فورماتتا جەر ۋچاسكەلەرىن بەرۋ ءراسىمىن وڭايلاتۋ كوزدەلگەن, بۇل جەر ۋچاسكەلەرىنە قۇقىقتاردى بەرۋدىڭ قولدانىستاعى مەرزىمدەرىن 30 جۇمىس كۇنىنە دەيىن وزگەرتۋگە مۇمكىندىك بەرەدى.
اتاپ ايتقاندا, اتالعان قالالاردا جەر كوميسسياسىنىڭ ينستيتۋتى الىنىپ تاستالادى سونداي-اق بىرقاتار قۇجاتتار قىسقارتىلادى (جەر كوميسسياسىنىڭ حاتتامالىق شەشىمى, جەرگە ورنالاستىرۋ جوباسى).
كەنتتەردىڭ, اۋىلداردىڭ جانە اۋىلدىق وكرۋگتەردىڭ جەرلەرى ءۇشىن تەحنيكالىق مۇمكىندىكتەردىڭ بولماۋىنا بايلانىستى اۋىل شارۋاشىلىعى ماقساتىنداعى جەرلەر تولىق تسيفرلانعانعا دەيىن جەر زاڭناماسىمەن رەگلامەنتتەلگەن جەر ۋچاسكەلەرىن بەرۋدىڭ قولدانىستاعى ءتارتىبى ساقتالادى.
زاڭمەن مەملەكەتتىك ورگانداردا جانە وزگە دە ۇيىمداردا قۇجاتتاردى كەلىسۋ بارىسىنا ونلاين مونيتورينگ ەنگىزىلەدى, سونداي-اق جەر ۋچاسكەسىنە قۇقىق بەلگىلەيتىن جانە سايكەستەندىرۋ قۇجاتتارىن تىركەۋ بويىنشا كومپوزيتتىك قىزمەت ەنگىزىلەدى.
جەر ۋچاسكەلەرىن ەلەكتروندىق بەرۋ ءراسىمى قازاقستان رەسپۋبليكاسىنىڭ تسيفرلىق دامۋ جانە اەروعارىش ونەركاسىبى مينيسترلىگى ازىرلەگەن جىلجىمايتىن م ۇلىكتىڭ بىرىڭعاي مەملەكەتتىك كاداسترىنىڭ اقپاراتتىق جۇيەسىنىڭ «جاريا كاداسترلىق كارتاسىندا» جەر ۋچاسكەسىن تاڭداۋ ارقىلى جەرگىلىكتى اتقارۋشى ورگانداردىڭ گەوپورتالدارىندا (وڭىرلىك گەواقپاراتتىق جۇيەلەردە) ىسكە اسىرىلاتىن بولادى.
جاريا كاداسترلىق كارتا قازاقستاننىڭ جەر, قۇقىقتىق جانە قالا قۇرىلىسى كاداسترلارىنىڭ مالىمەتتەرىن جانە مەملەكەتتىك ورگانداردىڭ وزگە دە مالىمەتتەرىن كورسەتەتىن بولادى.
نورماتيۆتىك قۇقىقتىق اكتىلەردى قابىلداۋ قاجەتتىلىگىنە بايلانىستى 2023 جىلعى 1 شىلدەدەن باستاپ زاڭدى ىسكە اسىرۋدى كەيىنگە قالدىرۋ كوزدەلىپ وتىر.
