الماتى وبلىسى ۇقك بۇرىنعى باسشىسى ءوز وكىلەتتىلىگىن اسىرا پايدالانعانى ءۇشىن سوت شەشىمىمەن 332-باپ, 4-بولىك بويىنشا 6 جىلعا باس بوستاندىعىنان ايىرىلدى. سونداي-اق 10 جىلعا قۇقىق قورعاۋ ورگاندارىندا جۇمىس ىستەۋگە تىيىم سالىندى.
تالدىقورعان قالالىق سوتى ءسابيت قۇرماناليەۆ الماتى وبلىسى ۇقك باسشىسى بولا تۇرا, ءوزىنىڭ قىزمەتتىك مىندەتتەرىن ەلەمەي, 2022 جىلعى 5 قاڭتاردا بولعان وقيعالاردى ەسكەرە وتىرىپ, جەكە قۇرامعا ۆەدومستۆو عيماراتىن قورعاۋ جونىندە شارالار قولدانباۋعا جانە اكىمشىلىك عيماراتتان كەتۋگە زاڭسىز بۇيرىق بەرگەنىن انىقتادى.
سونىمەن قاتار ول رەسمي جانە قۇپيا قۇجاتتاردى جويۋعا بۇيرىق بەرگەن. وسىلايشا ۇقك دەپارتامەنتىنىڭ باسىپ الىنۋىنا جاعداي جاساعان.
