قۇزىرلى ورگان وكىلدەرى, سونداي-اق ەسىرتكى ساۋداسىن توقتاتۋ باعىتىندا ۇيلەر مەن عيماراتتاردىڭ قابىرعالارىنداعى گراففيتي جازۋلاردى جويعان.
ايتا كەتەيىك, پروكۋراتۋرا, قۇقىق قورعاۋ جانە ۋاكىلەتتى ورگاندار وكىلدەرىنىڭ قاتىسۋىمەن ۆەدومستۆوارالىق جۇمىس توبىن قۇرۋ ۇسىنىلدى. توپتىڭ ماقساتى-ناشاقورلىقتىڭ الدىن الۋ, ەسىرتكىنى تۇتىنۋشىلاردى انىقتاپ, جاستاردىڭ ەسىرتكىنى قولدانۋعا نەمەسە زاڭسىز اينالىمىنا توسقاۋىل قويۋ.
«وتكەن جىلى ەسىرتكى قىلمىستارى ءۇشىن 300-گە جۋىق ادام سوتتالدى. بيىلعى جىلدىڭ 3 ايىندا 40 ادام سوتتالعان. ونىڭ ىشىندە وسى التاۋى سينتەتيكالىق ەسىرتكىمەن بايلانىستى قىلمىس. 1 اپتا بۇرىن ۇلتتىق قاۋىپسىزدىك كوميتتەتى 4 ازاماتتى ۇستادى. ولار كاسپي تەڭىزى ارقىلى 15 كگ جۋىق وپي ەسىرتكى زاتىن ساتۋعا الىپ كەلگەن. 4 ازامات قازىر سوتتىڭ سانكتسياسىمەن قاماۋعا الىنىپ, تەرگەۋ جۇرگىزىلىپ جاتىر», دەدى ماڭعىستاۋ وبلىستىق پروكۋراتۋراسى قىلمىستىق قۋدالاۋ باسقارماسىنىڭ باستىعى دانيار تولەگەنوۆ.
جالپى بيىل وڭىردە ەسىرتكى قىلمىسى 49%-عا تومەندەگەن.
