قارجىلىق مونيتورينگ اگەنتتىگىنىڭ پاۆلودار وبلىسى بويىنشا دەپارتامەنتى حابارلاعانداي, ۇيىمداستىرۋشىلار سەنگىش ازاماتتاردى ينۆەستيتسيالاۋعا يتەرمەلەپ, سالىنعان سومانىڭ 70%-ى اي سايىن ءپاسسيۆتى تابىس رەتىندە قايتارىلاتىنىن ايتقان. بۇل قارجى پيراميداسى ءوزىن سىرتقى ەكونوميكالىق قىزمەتپەن اينالىساتىن كومپانيا رەتىندە كورسەتتى.
سالىمشىلارمەن «Upgrade-AS», «Holding AS», «XAS-Logistic», «light-AS» جانە باسقا دا كومپانيالاردىڭ اتىنان كەلىسىم-شارتتار جاسالدى.
سالىمشىلار ءۇشىن مىندەتتى شارتتاردىڭ ءبىرى 180 000 تەڭگەگە قىتايدان اكەلىنگەن تۇرمىستىق تاۋارلاردى ساتىپ الۋ بولدى.
بۇل رەتتە سالىمشىلار الدىندا جۇمىسىنىڭ كورىنىسىن جاساۋ ءۇشىن الىنعان اقشانىڭ ءبىر بولىگى سالىمشىلارعا سىياقى رەتىندە باعىتتالعان. الايدا سالىمشىلار العان سىياقىسىن پيراميداعا قايتا سالىپ وتىرعان.
ۇيىمداستىرۋشىلار الەۋمەتتىك جەلىلەردە جالعان اكتسيا ۇيىمداستىرىپ, استانا مەن قوسشىدا كوپقاباتتى ۇيلەر سالعانىن كورسەتكەن, ول ءۇشىن قۇرىلىس دەكوراتسياسى جاسالىپ, ارنايى تەحنيكا جالداندى.
وسىلايشا, پايداعا كەنەلگەن الاياقتار بىرقاتار جىلجىمالى جانە جىلجىمايتىن م ۇلىك (جەر تەلىمدەرى, پاتەرلەر, اۆتوكولىكتەر) ساتىپ الىپ, ولاردى جاقىن تۋىستارىنىڭ اتىنا راسىمدەگەن.
اتالعان قىلمىستى جاسادى دەگەن كۇدىكپەن قارجى پيراميداسىن ۇيىمداستىرۋشى ۇستالىپ, ۋاقىتشا ۇستاۋ يزولياتورىنا قامالدى, وعان قاتىستى سوتتىڭ سانكتسياسىمەن «قاماۋ» بۇلتارتپاۋ شاراسى تاڭدالدى.
