5 ورىن – ۇستەل تەنيسى. ۇستەل تەنيسى جاس ەرەكشەلىگى مەن فيزيكالىق دايىندىعىنا قاراماستان جالپىعا بىردەي قولجەتىمدى سپورت ءتۇرى. بۇگىندە ەلىمىزدە 8 مىڭعا جۋىق ۇستەل تەنيسىنىڭ ۇيىرمەسى جۇمىس ىستەيدى. 242 مىڭنان استام ادام اتالعان سپورت تۇرىمەن اينالىسادى.
4 ورىن – جەڭىل اتلەتيكا. تاريحى ەرتە زاماننان باستاۋ الاتىن جەڭىل اتلەتيكا ءالى كۇنگە دەيىن تانىمالدىلىققا يە سپورت ءتۇرى سانالادى. ەلىمىزدە 7380 ۇيىرمە بار جانە 384 مىڭعا جۋىق ادام جەڭىل اتلەتيكامەن شۇعىلدانادى.
3 ورىن – باسكەتبول. قازاقستاندا كوماندالىق سپورت تۇرلەرىنە قىزىعۋشىلىق وتە جوعارى. ماسەلەن, ەلىمىزدە 562 مىڭعا جۋىق ادام باسكەتبولمەن اينالىسادى. باسكەتبولدىڭ قىر-سىرىن ۇيرەتەتىن 11738 ۇيىرمە بار.
2 ورىن – ۆولەيبول. مەكتەپ جاسىنان كوپشىلىگىمىزدىڭ سۇيىكتى ويىنىمىزعا اينالعان ۆولەيبولمەن ءبىزدىڭ ەلدە 766 مىڭ ادام اينالىسادى. قازاقستاننىڭ بارلىق وڭىرىندە جاسوسپىرىمدەر مەن ەرەسەكتەرگە ارنالعان 16 مىڭعا جۋىق ۇيىرمە جۇمىس ىستەيدى.
1 ورىن – فۋتبول. قازاقستانداعى ەڭ كوپ قاتىسۋشىسى بار ۇيىرمە – فۋتبول. 1 ملن 63 مىڭعا جۋىق قازاقستاندىق فۋتبول وينايدى. ولاردىڭ قاتارىندا اتالعان سپورتپەن كاسىبي تۇردە اينالىساتىن قىز-جىگىتتەر دە بار. بولاشاق فۋتبول الەمىنىڭ جۇلدىزدارىن جاتتىقتىرىپ, تاربيەلەپ شىعارۋ ءۇشىن ەلىمىزدە 17 مىڭعا جۋىق ۇيىرمە جۇمىس ىستەيدى. سپورت جانكۇيەرلەرىنىڭ قىزىعۋشىلىعى وتە جوعارى بوكس ۇيىرمەلەرىنە 126 مىڭعا جۋىق ادام قاتىسادى. ال, دزيۋدومەن 133 مىڭعا جۋىق سپورتشى اينالىسسا, 116 مىڭعا جۋىق ادام ەركىن كۇرەسپەن شۇعىلدانادى.
