täuel[dı]sız – əن مەن əۋەندi, بي مەن ونەردi پوەزيامەن ۇشتاستىرعان ارت-جوبا.
كەشتە ادامزات پەن جاساندى زيات بايلانىسى, ساياسي احۋال, تابيعات پەن ءدىل ماسەلەسى جانە الەم نازارىن اۋلاعان سۇم سوعىس مەدياساۋات تۇرعىسىنان ساحنالانادى. زاماناۋي قازاق پوەزياسىنىڭ وكىلدەرى – اسەل كارىباي, تۇرسىنبەك باشار, جۇلدىز مولداعالي, فايزوللا ءتولتاي, ماقپال جۇماباي, يسلام قابىل, اسەم قۇلمانوۆا, باۋىرجان مايتاي سىندى اقىنداردىڭ ولەڭدەرى وقىلدى.
«täuel[dı]sız جوباسى 2019 جىلدان بەرى جۇزەگە اسىرىلىپ كەلەدى. ماقساتى – قوعامداعى ءتۇرلى الەۋمەتتىك, وزەكتى ماسەلەلەردى ونەر ارقىلى كەڭ كوپشىلىككە جەتكىزۋ. سونداي-اق زاماناۋي پوەزيا وكىلدەرى — جاس اۆتورلار مەن ولاردىڭ شىعارماشىلىعىن تانىتۋ», دەيدى جوبا اۆتورلارى.
جوبا - 2021 جىلعى «تاۋەلسىزدىك ۇرپاقتارى» گرانتىنىڭ جانە حالىقارالىق ARTIF Awards بايقاۋىنىڭ جەڭىمپازى.
«بۇل جوبا ونەردى قۇرمەتتەيتىن, تاۋەلسىز جانداردى جيناعان ورتا. ءبىز بۇل كەشكە ەكى اي دايىندالدىق. ەڭبەگىمىز اقتالىپ, كەش كورەرمەننىڭ كوڭىلىنەن شىقتى دەگەن سەنىمدەمىز», دەدى جوبا ۇيىمداستىرۋشىلارى.
