ء«بىز, قازاقستان حالقى اسسامبلەياسىنىڭ وكىلدەرى, قازاقستان رەسپۋبليكاسىنىڭ اۋماقتىق تۇتاستىعىنىڭ مىزعىماستىعىن جانە وعان ىشكى جانە حالىقارالىق زاڭنامامەن كەپىلدىك بەرىلگەنىن مالىمدەيمىز.
بۇل ارەكەتتەردى مەملەكەتىمىزدىڭ كونستيتۋتسيالىق نەگىزدەرىنە, قاۋىپسىزدىگىنە, بىرلىگى مەن تۇراقتىلىعىنا قارسى باعىتتالعان ەل مۇددەسىنە جاسالعان وپاسىزدىق دەپ باعالايمىز. ءبىز ءبىرتۇتاس حالىق رەتىندە قازاقستاندىق قوعامدا ەشكىمنىڭ ارازدىق پەن سەنىمسىزدىك تاراتۋىنا جول بەرمەيمىز», دەلىنگەن اسسامبلەيانىڭ الەۋمەتتىك جەلىدەگى جازباسىندا.
سونداي-اق جازبادا مۇنداي ارانداتۋشىلىقتار اسا جاۋاپسىزدىقتىڭ كورىنىسى جانە قۇزىرلى ورگاندار تاراپىنان قاتاڭ تۇردە تيىلۋ كەرەك ەكەنى جازىلعان. كىنالىلەر سوت تارتىبىمەن زاڭ اياسىندا جازالاناتىنى ايتىلعان.
«قازاقستان حالقى اسسامبلەياسى ازاماتتاردى مۇنداي ارەكەتتەرگە بوي الدىرماۋعا جانە مىزعىماس بىرلىگىمىز بەن قوعامدىق كەلىسىمىمىزدىڭ نەگىزى – حالقىمىزعا ءتان دانالىقتى, توزىمدىلىكتى, سەنىم مەن ءوزارا سىيلاستىقتى ساقتاۋعا شاقىرادى. قازاقستان – ءبىزدىڭ ورتاق شاڭىراعىمىز جانە ءبىز قاي جەردە بولساق تا سۇيىكتى وتانىمىزدىڭ وكىلدەرىمىز, ال حالىقارالىق قاۋىمداستىق ءبىزدى ءبىرتۇتاس ءارى قۋاتتى ۇلت رەتىندە تانيدى.
ءبىز ءارتۇرلىمىز, بىراق بىرلىگىمىز ارالۋاندىلىقتا. بۇل قاعيدادان ءبىز ەشقاشان اۋىتقىمايمىز», دەلىنگەن جازبادا.
