رەسپۋبليكالىق كەزەڭ 1-5 ءساۋىر ارالىعىندا استانادا وتەدى. وليمپيادا حالىقارالىق شاحمات فەدەراتسياسىنىڭ ەرەجەلەرى بويىنشا راپيدتىك (كوماندالىق) فورماتتا وتەدى. ءتۋرنيردىڭ جۇلدە قورى - 500 مىڭ تەڭگە.
«مەملەكەت باسشىسىنىڭ قولداۋىمەن «مەكتەپتەگى شاحمات» جوباسى جۇزەگە اسىرىلدى. شاحمات قوزعالىسىن ودان ءارى قولداۋ ماقساتىندا بيىل وقۋشىلار اراسىندا شاحماتتان وليمپيادا باستالدى. مەكتەپىشىلىك كەزەڭدە 319 مىڭنان اسا وقۋشى قاتىسىپ, ۇزدىكتەر ەلوردادا باق سىنايدى. جەڭىمپازدار مەن جۇلدەگەرلەر مەدالدارمەن, كۋبوكتارمەن جانە ديپلومدارمەن ماراپاتتالادى», دەيدى ۇلتتىق عىلىمي-پراكتيكالىق دەنە تاربيەسى ورتالىعىنىڭ باس ديرەكتورى ساعدات سادىقوۆ.
ۇيىمداستىرۋشىلاردىڭ ايتۋىنشا, وليمپيادا ەلىمىزدەگى شاحمات قوزعالىسىن دامىتۋعا ىقپال ەتەدى. جوبا الداعى ۋاقىتتا مەكتەپ سپورتى اياسىنداعى ماڭىزدى شارالاردىڭ بىرىنە اينالادى.
