ايتا كەتۋ كەرەك, بالالى وتباسىلاردى الەۋمەتتىك قامسىزداندىرۋ جاردەماقىلاردىڭ بىرنەشە ءتۇرىن قامتيدى:
- بالانىڭ تۋىنا بىرجولعى جاردەماقى (2023 جىلى ءبىرىنشى, ەكىنشى, ءۇشىنشى بالانىڭ تۋىنا بەرىلەتىن جاردەماقى مولشەرى 131100 تەڭگەنى (38 اەك), ءتورتىنشى جانە ودان دا كوپ بالاعا 217350 تەڭگەنى (63 اەك) قۇرايدى;
- جۇمىس ىستەمەيتىن ايەلدەر ءۇشىن رەسپۋبليكالىق بيۋدجەت ەسەبىنەن بالا ءبىر جارىم جاسقا تولعانعا دەيىن تولەنەتىن جاردەماقى. بۇل جاردەماقى مولشەرى اەك-كە بايلانىستى جانە وتباسىنداعى بالا سانىنا قاراي تولەنەدى.
- 18 جاسقا دەيىنگى مۇگەدەك بالانى تاربيەلەپ وتىرعان اناعا نەمەسە اكەگە, بالا اسىراپ الۋشىعا, قامقورشىعا (قورعانشىعا) تولەنەتىن اي سايىنعى مەملەكەتتىك جاردەماقى. 2023 جىلى 56794 تەڭگە مولشەرىندە (ەڭ تومەنگى كۇنكورىس دەڭگەيىنىڭ 1,4 مولشەرىندە).
- «التىن القا», «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ماراپاتتالعان كوپبالالى انالارعا تابىسىنا قاراماستان تولەنەتىن اي سايىنعى مەملەكەتتىك جاردەماقى (جاردەماقى مولشەرى قازىرگى ۋاقىتتا 22080 تەڭگەنى (6,4 اەك) قۇرايدى). ەلوردا بويىنشا 6 مىڭ ايەل كوپبالالى انا رەتىندە اي سايىن جاردەماقى الادى, ونىڭ ىشىندە 1739 ايەل – «التىن القا» القا يەگەرى, 3788 ايەل – «كۇمىس القا» القا يەگەرى, 241 ايەل – «باتىر انا» وردەنىمەن ماراپاتتالعان جانە 232 ايەل – «1 جانە 2 دارەجەلى انا داڭقى» وردەنىمەن ماراپاتتالعان.
- كامەلەتكە تولماعان نەمەسە 18-23 جاس ارالىعىندا كۇندىزگى نىسان بويىنشا وقيتىن 4 جانە ودان كوپ بالاسى بار كوپبالالى وتباسىلارعا جاردەماقى تاعايىندالادى.
استانا قالاسىندا 2023 جىلدىڭ 1 ناۋرىزىنداعى جاعداي بويىنشا 28 267 وتباسى وسى جاردەماقىنى الۋشىلار بولىپ سانالادى.
«جۇمىس ىستەيتىن ايەلدەرگە بالا كۇتىمىنە بايلانىستى بەرىلەتىن اي سايىنعى جاردەماقى مەملەكەتتىك الەۋمەتتىك ساقتاندىرۋ قورىنان الەۋمەتتىك تولەم رەتىندە تولەنەدى. بۇل تولەمنىڭ مولشەرى بالا تۋعانعا دەيىنگى 24 ايدىڭ ورتاشا تابىس مولشەرىنىڭ بولىگى رەتىندە ەسەپتەلەدى جانە بالا ءبىر جارىم جاسقا تولعانشا تولەنەدى», دەدى سپيكەر.
