اقتوبە اۋماعىندا ورنالاسقان قارعالى, كۇنشۋاق, مۇنايشى باۋ-باقشا ۇجىمدارىنا ۇلكەن قاۋىپ ءتوندى.
قارعالى وزەنىنىڭ سۋ دەڭگەيى كوتەرىلىپ, قالا تۇرعىندارى ەۆاكۋاتسيالانىپ جاتىر.
اقتوبە قالاسى اكىمىنىڭ ءباسپاسوز حاتشىسى ايگۇل بايمەنوۆانىڭ ايتۋىنشا, قازىرگى كەزدە ساياجايدا ورنالاسقان ۇيلەردىڭ اۋلاسىن سۋ باسقان.
«بيىل ەكى ەسە كوپ قار جاۋدى. قازىر جامان قارعالى وزەنى تولىپ, كۇن جىلىعاندا تىسقىن بولىپ جاتىر. تۇرعىندارعا ايتارىمىز, قارعالى سۋ قويماسى اشىلعان جوق. ونىڭ رەزەرۆى بار», دەدى قالا اكىمى مۇرات جورەبەكوۆ.
ادامدار وليمپيادا رەزەرۆتەرىن دايارلاۋ سپورت مەكتەبى مەن كوللەدج جاتاقحاناسىنا ورنالاستىرىلدى.
«66/55 اسكەري ءبولىمىنىڭ جەدەل باتالونىنىڭ جەكە قۇرامى اتالعان اۋداندارداعى توتەنشە جاعدايلاردىڭ سالدارىن جويۋعا جۇمىلدىرىلدى. اسكەري قىزمەتشىلەر كوشەلەر مەن اۋلالاردى توپىراق پەن قۇممەن كۇشەيتتى. سونىمەن قاتار سۋ باسقان تۇرعىن ۇيلەردىڭ اۋلاسى مەن جولدار تازارتىلدى», دەدى 6655 اسكەري ءبولىمىنىڭ شتاب باستىعى داۋرەن جاعىپاروۆ.
