فوتو: Polisia.kz
كوكشەتاۋ قالاسىنىڭ پوليتسيا باسقارماسىنا «وڭ جاقتاعى بىلەكتىڭ ۇشتەن ءبىر بولىگىنىڭ تراۆماتيكالىق امپۋتاتسياسى, وڭ جاقتاعى يىقتىڭ جابىق سىنۋى» دياگنوزىمەن ستاتسيونارعا ەر ادامنىڭ جەتكىزىلگەنى تۋرالى وبلىس ورتالىعىنىڭ مەديتسينا مەكەمەلەرى قىزمەتكەرىنىڭ تەلەفون ارقىلى حابارلاماسى كەلىپ ءتۇستى.
جازاتايىم وقيعا 28 ناۋرىز كۇنى جۇمىس ورنىندا بولعان. قۇرىلىس جۇمىستارى كەزىندە ەر ادامنىڭ قولى بەتون ارالاستىرعىش اراسىندا قالىپ قويعان. جابىرلەنۋشى, ششۋچينسك قالاسىنىڭ 49 جاستاعى تۇرعىنى اۋرۋحاناعا جاتقىزىلدى.
پوليتسيا باسقارماسى وسى دەرەككە قاتىستى قر قك-ءنىڭ 156-بابىنىڭ 2-بولىگى (ەڭبەكتى قورعاۋ ەرەجەلەرىن بۇزۋ) بويىنشا سوتقا دەيىنگى ءىس جۇرگىزۋدى باستادى.
قازىرگى ۋاقىتتا مەملەكەتتىك ەڭبەك ينسپەكتورى تەكسەرۋ جۇرگىزىپ جاتىر, سوت-مەديتسينالىق ساراپتاما تاعايىندالدى.
