«قۇرمەتتى دەپۋتاتتار, سىزدەر ءاردايىم بارلىق ءىستىڭ بەل ورتاسىندا بولاسىزدار. بىراق مىنا ماسەلەنى باسا ايتقىم كەلەدى: ەل مۇددەسىنەن جوعارى ەشتەڭە جوق. سوندىقتان پوپۋليزمگە, جەكە باستىڭ مۇددەسىن كوزدەۋگە جول بەرمەۋ كەرەك. پارلامەنت پەن ءماسليحاتتار ءاردايىم بىرلەسە جۇمىس ىستەۋى قاجەت. سوندا مەملەكەت ساياساتى بارىنشا ۇيلەسىمدى بولادى. جەرگىلىكتى بيلىكتىڭ شاماسى كەلمەيتىن اۋقىمدى ماسەلەلەرگە ورتالىق دەر كەزىندە كوڭىل بولەدى. رەفورمالاردان كەيىن دەپۋتاتتاردىڭ وكىلەتتىگى ءبىرشاما كەڭەيدى. قوس پالاتانىڭ جۇمىسىنا بىرقاتار وزگەرىس ەنگىزىلدى», دەپ اتاپ ءوتتى پرەزيدەنت.
سونداي-اق بۇرىن زاڭ جوباسىن ءماجىلىس ماقۇلداپ, سەنات قابىلدايتىن. ەندى زاڭ قابىلداۋ قۇزىرەتى ماجىلىسكە بەرىلدى. ءماجىلىس باسقا دا ارتىقشىلىققا يە بولدى.
«سوندىقتان وسى زالدى ماجىلىسكە تۇراقتى تۇردە پايدالانۋ ءۇشىن بەرۋ كەرەك دەپ ويلايمىن. وسىلايشا, جوعارى وكىلدى ورگان شىن مانىندە ىقپالدى پارلامەنتكە اينالدى», دەدى ەل پرەزيدەنتى ءسوز سوڭىندا.
