«نەبارى ءبىر جىلدا مۇنداي اۋقىمدى جۇمىستى ىسكە اسىرۋ – ناعىز جاسامپاز جۇرتتىڭ عانا قولىنان كەلەتىن شارۋا. ءبىز وتانىمىزدى وركەندەتۋ جولىندا زور بەتبۇرىس جاساپ, جاڭا داۋىرگە قادام باستىق. بىراق وزگەرىستەر مۇنىمەن بىتپەيدى. بۇل – ۇزاق جولدىڭ باسى عانا. رەفورمالار جالعاسا بەرەدى, ساياسي قۇرىلىمدى جەتىلدىرۋ قاجەت. بۇل – اسا ماڭىزدى جۇمىس», دەدى پرەزيدەنت.
بيىل العاش رەت 45 اۋدان جانە وبلىستىق ماڭىزى بار قالا اكىمدەرىن تىكەلەي سايلاۋ وتەدى. سودان كەيىن ەلىمىزدەگى بارلىق اۋدان اكىمدەرى سايلانادى. وسىلايشا, بيلىكتىڭ بارلىق ينستيتۋتتارى جاڭارىپ, تىڭ قارقىنمەن جۇمىس ىستەي باستايدى.
ء«بىز ساياسي ۇدەرىستى دەموكراتيالاندىرىپ, ازاماتتاردىڭ مەملەكەتتى باسقارۋ ىسىنە قاتىسۋ مۇمكىندىگىن كەڭەيتە بەرەمىز», دەپ اتاپ ءوتتى ق.توقاەۆ.
پرەزيدەنتتىڭ ايتۋىنشا, قازاقستان – وسى گەوساياسي ايماقتا تۇبەگەيلى رەفورما جۇرگىزىپ جاتقان بىردەن-ءبىر ەل. كەيبىر ادامدار, سولاردىڭ ىشىندە ساياساتكەرلەر دە بار, وسىنداي رەفورمالار قازاقستانعا قاۋىپ ءتوندىرۋى مۇمكىن دەپ ايتادى. بىراق بۇل وزگەرىستەردىڭ بارلىعى, ەڭ الدىمەن, ەل بولاشاعى ءۇشىن اۋاداي قاجەت.
«العان بەتىمىزدەن قايتۋعا بولمايدى. كەرىسىنشە, زاڭ ۇستەمدىگى, حالىق بىرلىگى, الەۋمەتتىك ادىلدىك جانە ىشكى ساياسي تۇراقتىلىق سەكىلدى ىرگەلى قۇندىلىقتارعا باسا ءمان بەرە وتىرىپ, رەفورمالار جولىمەن العا قاراي نىق قادام باسۋىمىز كەرەك», دەدى مەملەكەت باسشىسى.
