دۋررەس قالاسىنىڭ (البانيا) الاڭىندا اۋىر اتلەتيكادان جاستار اراسىنداعى الەم چەمپيوناتى باستالدى. بۇل چەمپيوناتتا قازاقستان نامىسىن 11 سپورتشى قورعاپ وتىر (5 ۇل جانە 6 قىز). جارىستىڭ ءۇشىنشى كۇنى اۋىر اتلەتتەر اراسىندا 67 كەلىگە دەيىنگى سالماق دارەجەسىندە جۇلقا كوتەرۋدە قولا جۇلدەگەر اتانعان نۇراسىل اراپباي قازاقستان قۇراماسىنا العاشقى مەدالدى اكەلدى. ال ەكى جاتتىعۋدىڭ قوسىندىسىندا جاس قازاقستاندىق 266 كەلىنى (120+146) كوتەرىپ, 4-ورىنعا تۇراقتادى.
بۇگىن ەلىمىزدىڭ سپورتشىلارى ەكى سالماق دارەجەسىندە ونەر كورسەتەدى: 73 كەلىگە دەيىن – ەراسىل ساۋلەبەكوۆ جانە 59 كەلىگە دەيىن – التىناي تاڭىبەرگەنوۆا.
اۋىر اتلەتيكادان 2023 جىلعى جاستار اراسىنداعى الەم چەمپيوناتى 1 ساۋىردە اياقتالادى.
