ەكى قازاندىق كۇردەلى جوندەۋدەن وتەدى. قازىرگى ۋاقىتتا ولاردىڭ جۇمىسى توقتاتىلدى جانە ءالى پايدالانۋعا بەرىلمەيدى.
«وكىنىشكە قاراي, قازىر مۇندا ستانتسيانىڭ جاڭا يەلەرى جوق. ولار قارجىلاندىرۋ ماسەلەسىن شەشۋ ۇستىندە. سونداي-اق كۇردەلى جوندەۋ جۇمىسىن جۇرگىزەتىن جەتكىزۋشىنى انىقتاۋ ءۇشىن تەندەرلەر جاريالايدى. وبلىس اكىمى ءتورت قازاندىققا كۇردەلى جانە قازىرگى ۋاقىتتا جۇمىستان شىققان ەكى قازاندىققا شۇعىل جوندەۋ جۇمىستارىن جۇرگىزۋدى مىندەت ەتىپ وتىر», دەدى دميتري گوركوۆوي.
ال بيلىك جىلۋ ەلەكتر ورتالىعىن كوممۋنالدىق مەنشىككە بەرۋ ماسەلەسىن ءالى شەشە الماي وتىر.
«ازىرگە زاڭناما بىزگە بۇل پروتسەدۋرانى, ءتىپتى توتەنشە جاعداي اياسىندا دا جۇزەگە اسىرۋعا مۇمكىندىك بەرمەيدى. ءبىز ستانسانى جاي عانا الىپ كەتە المايمىز, بىزگە مەنشىك يەلەرىنىڭ ەرىكتى تۇردە ەرىك ءبىلدىرۋى قاجەت. بىراق ولار بەرگىسى كەلمەيدى, وكىنىشكە قاراي, ولاردىڭ وزدەرى ەشقانداي شارا قابىلداپ جاتقان جوق. ازىرگە «ريددەر جەو» اق كوممۋنالدىق مەنشىككە بەرۋ تۋرالى شەشىم قابىلدانعان جوق, بىراق بۇل باعىتتا جۇمىس جۇرگىزىلىپ جاتىر», دەدى ريددەر قالاسىنىڭ اكىمى.
