توپتىق تۋرنيردە قىزدارىمىز جارىس قوجايىندارى (12:7) مەن تايلاند (16:10) جانە وزبەكستاندى (11:9) ۇتتى. ودان كەيىن پلەي-وفف سايىسىندا تاي ەلى وكىلدەرىمەن جولدارى قايتا قيىستى. بۇل جولى دا ءبىزدىڭ بۇرىمدىلاردىڭ مەرەيى ۇستەم بولدى. ەسەپ – 13:8. وسى جەڭىستەرىنىڭ ارقاسىندا ولار مەرزىمىنەن بۇرىن سارى قۇرلىقتىڭ تەڭدەسسىز كومانداسى دەپ تانىلدى. ال سوڭعى ماتچتا جەرلەستەرمىز تاعى دا وزبەكتەردى (12:6) جەڭدى.
وكىنىشتىسى, قازاقستاننىڭ ەرلەر قۇراماسىنا جەڭىس تۇعىرىنىڭ ەڭ بيىك ساتىسىنان كورىنۋ باقىتى بۇيىرمادى. تۇساۋكەسەر كەزدەسۋىندە ءفيليپپيننىڭ (19:6) تاس-تالقانىن شىعارعان جىگىتتەرىمىز كەلەسى ماتچتا پەنالتي سوعۋ بارىسىندا يرانعا (10:10, 4:5) ەسە جىبەردى. ءۇشىنشى ويىندا گونكونگتى (22:7) ويسىراتا ۇتتى. شيرەك فينالدا سينگاپۋردى (10:7) سان سوقتىرسا, جارتىلاي فينالدا قىتايعا (1:10) جول بەردى.
بۇگىن ءبىزدىڭ ۆاتەرپولشىلار تايلاندپەن قولا مەدال ءۇشىن تالاسادى.
