باستاپقىدا كۇدەباەۆقا ۇكىم 10 ناۋرىزعا بەلگىلەنگەن بولاتىن. الايدا كەيىن گەنەرال-مايور سەرىك كۇدەباەۆتىڭ اۋرۋحاناعا جاتقىزىلعانى حابارلاندى. ودان كەيىنگى سوت وتىرىسى 16 ناۋرىزعا بەلگىلەندى. وسىدان كەيىن ۇكىم تاعى 2 رەت - 20 جانە 27 ناۋرىزعا شەگەرىلدى. بۇگىن سوت وتىرىسىنىڭ قايتا بولمايتىنى بەلگىلى بولدى.
ايتا كەتەيىك, سەرىك كۇدەباەۆتىڭ سوتى قاڭتار ايىندا باستالعان ەدى. ول قاڭتار وقيعاسى بويىنشا كۇدىكتى دەپ تانىلعان. كۇدەباەۆ 2020 جىلدان باستاپ 2022 جىلدىڭ قاڭتارىنا دەيىن الماتى وبلىسى پوليتسيا دەپارتامەنتىنىڭ باستىعى قىزمەتىن اتقاردى.
كەلەسى سوت وتىرىسىنىڭ قاشان بولاتىنى ازىرگە بەلگىسىز.
