الەم چەمپيونى اتاندى

نەگىزى بۇل اتاق الەحاندرو مە­نە­سەسكە تيەسىلى ەدى. بىلتىر كوك­تەمدە ۇلىبريتانيادا وتكەن جارىستا ول جەرگىلىكتى بىلعارى قولعاپ شەبەرى سەم ماكسۆەلدى ايقىن باسىمدىقپەن ۇتىپ، الەم چەمپيونى اتاندى. 32 جاستاعى مەكسيكانىڭ مارقاسقاسى كاسىپ­قويلار اراسىندا 21 كەزدەسۋ وت­كىزىپ، 16 رەت جەڭىسكە جەتتى. تو­عىز قارسىلاسىن ەسىنەن تاندىردى. مىنە، وسى دەرەكتەردىڭ ءوزى-اق مەنەسەستىڭ وسال بوكسشى ەمەستىگىن اڭعارتسا كەرەك.

جانقوش تۇراروۆتىڭ ءجۇرىپ وتكەن جولى قازاق جانكۇيەرلەرىنىڭ كوز الدىندا. تالاي تالانتتى جاس­تاردىڭ توماعاسىن سىپىرعان سا­عاتبەك مۇساحانوۆتاي مايتالمان ماماننىڭ قول استىندا جاتتىعاتىن قانداسىمىزدىڭ كاسىپقويلار اراسىندا كۇش سىناسىپ جۇرگەنىنە 14 جىلدان استى. سول ارالىقتا 26 رەت جۇدىرىقتاسقان جانقوش بىردە-ءبىر رەت جەڭىلىستىڭ كەرمەك ءدامىن تاتقان ەمەس. 19 قارسىلاسىن ج ۇلىنداي ۇشىردى. بۇعان دەيىن تۇراروۆ قازاقستاننان بولەك، اقش، دومينيكان رەسپۋبليكاسى، ەكۆادور جانە ۇلىبريتانيادا ونەر كورسەتتى.

وزىنە عانا ءتان جۇدىرىقتاسۋ مانەرىمەن كوزگە ءتۇسىپ، جانكۇيەر­لەر جۇرەگىن جاۋلاپ العان جانقوش وسى كۇنگە دەيىن دە بىرنەشە ور­تاڭقول نۇسقالار بويىنشا چەم­پيوندىق بەلبەۋدى يەلەندى. دەسەك تە، وسى ءساتتى ول ۇزاق كۇتكەن ەدى. ال­ماتىدا وتكەن بوكس كەشىندە ونىڭ باسىمدىعى بىردەن بايقالدى. مە­نەسەس ءبىر قاراعاندا قوپالداۋ جانە ەپسىزدەۋ كورىنگەنىمەن، اشىق ايقاسقا بارۋدان ەش قايمىقپايتىن ناعىز قايسار جىگىت ەكەن. بويى مەن قولىنىڭ ۇزىندىعىن وتە جاقسى پايدالانادى. جەكپە-جەك بارىسىندا ول «ولىسپەي بەرىسپەيمىن» دەگەندەي سىڭاي تانىتىپ، تۇراروۆقا اجەپتاۋىر قارسىلىق كورسەتتى. تىپتەن، بىرنەشە اۋىر سوققىلارىن دا دارىتتى.

قازاق بوكسشى بۇل جەردە قوجايىن كىم ەكەنىن كورسەتۋ ءۇشىن ۇنەمى شابۋىل وتىندە ءجۇردى. اسىرەسە، ونىڭ ءۇشىنشى جانە ءتور­تىنشى راۋندتاردا جۇمساعان اۋىر سوققىلارى قارسىلاسىن تال­­تىرەكتەتىپ تاستاعانداي كو­رىندى. تەك گونگتىڭ ارقاسىندا عانا الەحاندرو «امان» قالدى. تو­عىزىنشى راۋندتىڭ سوڭىندا مەكسيكالىقتىڭ كوزى قاناپ كەتتى. ءۇزىلىس كەزىندە دارىگەرلەر وعان كو­مەك كورسەتىپ، جەكپە-جەكتى جال­عاستىرۋعا رۇقسات بەردى. بىراق مەنەسەستىڭ باپكەرلەرى بوكسشىنىڭ دەنساۋلىعىن ويلاپ، 10 راۋندتا رينگتىڭ ورتاسىنا شىعارمادى. ءسويتىپ، تەحنيكالىق نوكاۋتپەن جەڭىسكە جەتكەن جانقوش تۇراروۆ الەم چەمپيونى اتادى!

«الماتى ارەنادا» وتكەن جارىستا تاعى بىرنەشە وتە قىزىقتى جەكپە-جەكتەردى تاماشالادىق. اتاپ ايتساق، بەكمان سويلىباەۆ (15-1، 6 كو) وسىعان دەيىن ەشكىمنەن جەڭىلمەگەن فيليپپيندىك جە­نەل لاۋسانى (12-0، 7 كو) ءۇشىن­شى راۋندتا بۇيىردەن ۇرىپ قۇلا­تىپ، WBA Inter-Continental نۇس­قاسىنىڭ التىن بەلبەۋىن يەلەندى. داۋرەن ەلەۋسىنوۆ (10-2-1، 9 كو) وزبەكستاندىق باحروم پايازوۆ (22-21، 15 كو) ەكىنشى راۋندتا ەسىنەن تاندىردى. تانىمال باپكەر داستان سادۋاقاسوۆتىڭ شاكىرتى باۋىرجان بەيىلدينوۆتىڭ دە ونەرى جەرگىلىكتى جان­كۇيەرلەردىڭ كوڭىلىنەن شىق­تى. تەڭ دارەجەدە ءوتىپ جاتقان باسە­كەنىڭ ءتورتىنشى راۋندىندا ول ءوز قار­سىلاسىن باۋىردان وڭ­دىرماي ۇرىپ، نوكاۋتقا جىبەردى.