الەمدىك رەيتينگتە جەتىنشى ورىندى يەلەنىپ وتىرعان ەلىمىزدىڭ ەڭ ۇزدىك تەننيسشىسى ءبىرىنشى اينالىمدا بوس بولدى. ەكىنشىسىندە WTA تىزىمىندە 64 ساتىعا جايعاسقان رەسەيلىك اننا كالينسكايانى 7:5, 4:6, 6:3 ەسەبىمەن قاپى قالدىردى. ءۇشىنشى كەزەڭدە ەلەنانىڭ جولى پاۋلا بادوسامەن قيىستى. وسىدان ەكى اپتا بۇرىن عانا ينديان-ۋەللستە جەرلەسىمىز كەزىندە الەمنىڭ ەكىنشى راكەتكاسى اتانىپ, بۇل كۇندەرى ۇزدىكتەر رەيتينگىندە 27 ورىندا تۇرعان ءدال وسى يسپانيالىقتى ۇتقان ەدى. بۇل جولى دا ءدال سولاي بولدى. بىراق رىباكينا ءۇشىن بۇل وتە قيىن كەزدەسۋ بولدى. ءبىرىنشى سەتتە بادوسا 6:3 ەسەبىمەن جەڭىسكە جەتتى. ەكىنشىسىندە دە قارسىلاسى الدا كەلە جاتقان ەدى. الايدا قيىننان قيىستىرعان ەلەنا بۇل سەتتى 7:5 ەسەبىمەن ءوز پايداسىنا شەشتى. شەشۋشى تۇستا دا شيراق قيمىلداعان ول اقىرىندا كوزدەگەن ماقساتىنا قول جەتكىزدى – 6:3.
ءۇشىنشى اينالىمدا ەلەنا رىباكينا الەمنىڭ 39 راكەتكاسى ەليزە مەرتەنسپەن كەزدەسەدى.
