بۇل بايقاۋ تۋىسقان حالىقتاردىڭ مادەني دامۋىنا, ەلدەر اراسىنداعى دوستىق بايلانىستاردى نىعايتۋعا, تالانتتى جاستارعا جان-جاقتى قولداۋ كورسەتۋگە باعىتتالعان. وعان بەلارۋس, قازاقستان, قىرعىزستان, رەسەي جانە وزبەكستاننىڭ حورەوگرافيا, ۆوكال جانە مۋزىكالىق تەاتر سالاسىنداعى ۇجىمدارى مەن سوليستەرى قاتىستى.
ءبىرىنشى كەزەڭدە قازاقستان قارۋلى كۇشتەرى ۇلتتىق اسكەري-پاتريوتتىق ورتالىعى فيليالىنىڭ ەسترادالىق-بي توبىنىڭ ءبيشىسى قاتارداعى جاۋىنگەر راحماتجان يولداشەۆ ۇيعىر حالقىنىڭ «تاۆاك ۋسسۋلي» ءبيىن ورىندادى. بۇل جەكە قويىلىمى ءۇشىن ول ارنايى ديپلوممەن جانە سۋپەر گران-پري كۋبوگىمەن ماراپاتتالدى.
وتكەن جىلدىڭ جەلتوقسان ايىندا تاشكەنتتە مادەنيەت جانە اسكەري-پاتريوتتىق تاربيە سالاسىنداعى ءوزارا ءىس-قيمىل جانە ىنتىماقتاستىق تۋرالى مەموراندۋمعا قول قويىلعان بولاتىن.
