ۆەدومستۆو مالىمەتىنشە, ءىس-شاراعا 135 مىڭنان استام ادام قاتىسقان. ونىڭ ىشىندە, 12 مىڭنان جوعارى ەرىكتىلەر, 47 مىڭنان جوعارى مەملەكەتتىك ورگانداردىڭ وكىلدەرى, 65 مىڭنان جوعارى مەكەمەلەردىڭ قىزمەتكەرلەرى, قوعامدىق بىرلەستىكتەر مەن تۇرعىندار.
كليماتتىق جاعدايعا بايلانىستى ءىس-شارا قازاقستاننىڭ التى وڭىرىندە, ونىڭ ىشىندە جامبىل, الماتى, قىزىلوردا جانە تۇركىستان وبلىستارىندا, شىمكەنت جانە الماتى قالالارىندا ءوتتى.
قاتىسۋشىلار رەكرەاتسيالىق ايماقتاردى رەتكە كەلتىرىپ, اۋلا ماڭىنداعى نىسانداردى, كوشەلەر مەن ساياباقتاردى تازارتتى. كوگالداندىرۋ جۇمىستارىن جۇرگىزىپ, گۇلدەر مەن اعاشتار وتىرعىزىلدى.
اكتسيا شەڭبەرىندە بارلىعى 2,5 مىڭ توننادان جوعارى قالدىقتار جينالدى. جيناقتالعان قوقىستاردىڭ سۇرىپتالىپ, 337 توننا اينەك, 97 توننا پلاستيك, 67 توننا رەزىڭكە, 49 توننا قاعاز بەن 130 توننا مەتالل قايتا وڭدەۋگە بەرىلدى.
اكتسيا مەملەكەت باسشىسىنىڭ تاپسىرماسى بويىنشا ەكولوگيالىق جاعدايدى جاقسارتۋ ءۇشىن 2019 جىلدان بەرى جىل سايىن وتكىزىلىپ كەلەدى.
